Чарговая гісторыя, звязаная з тэлефоннымі ашуканцамі, адбылася ў Мінску.
На лінію «102» звярнуўся сын 64‑гадовай мінчанкі, якая стала ахвярай аферыстаў, піша «Міліцыя Мінска».
Мужчына расказаў, што яго мама перадала невядомым, якія пазванілі пад выглядам замены лічыльнікаў, код з СМС-паведамлення.
Пасля чаго пенсіянерцы ў месенджары паступіў званок ад ілжэправаахоўніка, які паведаміў пра падазроную актыўнасць на яе рахунках і запатрабаваў неадкладна прыехаць па пазначаным адрасе.
Жанчына адмовілася, спасылаючыся на догляд хворай сваячкі. У адказ на гэта махляр пад пагрозай вобшуку ў кватэры прымусіў выконваць яго патрабаванні.
На працягу дзесяці дзён пенсіянерка аддавала свае зберажэнні і залатыя ўпрыгожванні махлярам.
Яна пакінула каля дзвярэй пакет з 15 000 рублёў, які забраў кур'ер, а пазней памясціла ў паштовую скрыню пакет з залатымі вырабамі і 9 000 рублёў. Таксама жанчына прадаставіла нумары сваіх банкаўскіх картак, з якіх аферысты спісалі яшчэ 14 500 рублёў.
Увесь гэты час махляр падтрымліваў кантакт з пенсіянеркай, цікавіўся яе здароўем і самаадчуваннем сваячкі, запэўніваючы, што перададзеныя раней зберажэнні ў бяспецы.
Адчуўшы неладное, жанчына расказала пра ўсё сыну, які звярнуўся ў міліцыю.
Каментары