Выглядае, што гэта здымак, зроблены відэакамерай недзе на вуліцы, на выхадзе з метро.
Выглядае, што гэта здымак, зроблены відэакамерай недзе на вуліцы, на выхадзе з метро. Плітка адпавядае той, што ляжыць на і вакол Кастрычніцкай плошчы Мінска.
Тэкст арыенціроўкі пад сканам: «Рост вышэйшы за сярэдні, 25-30 гадоў, хударлявага целаскладу, прыкметна горбіцца, твар авальны, кароткая стрыжка, пры хадзе размахвае левай рукой, правую трымае ў кішэні, крок шырокі, злёгку касалапы».
Гэта арыенціроўка вельмі падобная да апісання чалавека, якога зафіксавалі відэакамеры метро. Скрыншоты з іх запісаў былі ўчора прадэманстраваныя следчымі на прэс-канферэнцыі.
Крыніца, якая даслала фота блогерцы Zmagarka, сцвярджае, што працуе ў публічным месцы і атрымала гэты здымак і арыенціроўку на меркаванага злачынцу ад супрацоўнікаў МУС 13 красавіка. Цікава, што дадзены фотаробат быў распаўсюджаны 13 красавіка аб 11-й гадзіне раніцы, у той час як, па словах Лукашэнкі, тэрарыст быў злоўлены яшчэ 12 красавіка ўвечары і ўжо а 5-й раніцы 13 красавіка прызнаў сваю віну. Гэта можа быць звязана з інэрцыяй працы сілавых структур.
Блогерка піша таксама, што на наступны дзень, 14 красавіка, да крыніцы прыйшоў супрацоўнік у цывільным і запатрабаваў (яна падкрэслівае гэтае слова) знішчыць фотаробат з выявай чалавека на вуліцы.
Мы не публікуем фота, бо гэта магло б разгалошваць таямніцу следства і, акрамя таго, парушыць правы чалавека, які на фатаграфіі, калі ён не ёсць злачынцам.
Цяпер чытаюць
Колькі беларусаў галасавала за Лукашэнку на ранейшых выбарах? Апублікаваныя закрытыя лічбы дзяржаўных апытанняў18
Каментары