Да Шчукіна прыйшлі шукаць зброю. Праваабаронцу і яго гасцей затрымалі
Валерыя Шчукіна, Паўла Левіна, Вольгу Карач і Алега Баршчэўскага адвезлі ў Фрунзенскі РУУС.
Міліцыянты дзяжураць каля пад’езда дома, дзе жыве дачка праваабаронцы.
Як паведаміў «Нашай Ніве» праваабаронца і журналіст Валер Шчукін, у кватэру яго дачкі, што на вуліцы Сердзіча, сёння раніцай, 19 красавіка, спрабавалі патрапіць супрацоўнікі міліцыі. Па словах Шчукіна, у кватэры знаходзяцца госці, якія адзначаюць дзень нараджэння. Міліцыянты спачатку запатрабавалі дакументы прысутных. Пасля перапісу дакументаў Шчукін правёў аднаго з міліцыянтаў па пакоях, каб запэўніць яго, што больш нікога ў кватэры няма. Але міліцыянты з’явіліся ізноў і заявілі, што будуць шукаць зброю. Праваабаронца не пусціў іх у жытло, матываваўшы гэта тым, што для ператрусу неабходныя адпаведныя дакументы. Цяпер супрацоўнікі міліцыі дзяжураць каля пад’езда. Яны паспрабавалі затрымаць аднаго з гасцей Шчукіна — віцебскага журналіста Алега Баршчэўскага.
***
Пазней у Фрунзенскі РУУС былі дастаўленыя, апроч Валера Шчукіна, Павел Левінаў, Вольга Карач і Алег Баршчэўскі.
Разведка ЗША: Беларусь стала перадавым вайсковым плацдармам Расіі24
Каментары