У гаспадарчым судзе Мінска прайшлі папярэднія слуханні па іску ЖРЭА Савецкага раёна да партыі БНФ.
У гаспадарчым судзе Мінска прайшлі папярэднія слуханні па іску ЖРЭА Савецкага раёна да партыі БНФ. Нагадаем, што ЖРЭА Савецкага раёна патрабуе пазбавіць партыю БНФ памяшкання на Машэрава, 8 у Мінску.
У папярэдніх судовых слуханнях партыю БНФ прадстаўлялі старшыня Аляксей Янукевіч і намеснік старшыні партыі Рыгор Кастусёў. У ходзе папярэдняга судовага слухання прадстаўніца ЖРЭА адзначыла, што падставай для высялення партыі БНФ з’яўлаецца сістэматычная запазычанасць па аплаце арэнды. У судзе таксама адзначалася, што лісты з паведамленнямі аб тым, што з партыяй БНФ не будзе працягнуты дагавор арэнды, адсылаліся са ЖРЭА сістэматычна, пачынаючы са снежня мінулага года.
Дарэчы, як стала вядома ў судзе, у выпадку высялення парты БНФ з офіса, у памяшканні на Машэрава, 8, магчыма, будзе адчынена вытворчае прадпрыемства, на якім будуць працаваць інваліды і людзі з абмежаванымі фізічнымі магчымасцямі.
У сваю чаргу адказчыкі, а ў судзе партыю БНФ прадстаўлялі старшыня Аляксей Янукевіч і адзін з намеснікаў старшыні Рыгор Кастусёў, іск не прызналі. Яны выказалі сумненні, што даведка аб запазычанасці па арэнднай плаце сапраўдная і лічаць, што дагавор арэнды з партыяй БНФ павінен быць працягнуты.
Выслухаўшы пазіцыі бакоў, суддзя Алена Мельнікава папрасіла падрыхтаваць да судовага разбіральніцтва ўсе неабходныя дакументы і прызначыла дату асноўнага разгляду справы – 28 красавіка.
Адзначым, што 22 красавіка тая ж Алена Мельнікава будзе разглядаць сустрэчны іск партыі БНФ да ЖРЭА Савецкага раёна Мінска.
Каментары