У бальніцах застаецца 71 пацярпелы ад выбуху ў мінскім метро
4 з іх у цяжкім стане.
Як паведамілі ў Міністэрстве аховы здароўя, 4 з іх — у цяжкім стане, 20 — сярэдняй ступені цяжкасці, 47 — лёгкай ступені цяжкасці.
28 красавіка з бальніц выпісаны чатыры пацярпелыя ад выбуху, 27 красавіка — трое, 26 красавіка — дзевяць, 25 красавіка — шэсць чалавек.
Пацыенты атрымліваюць неабходную медыцынскую дапамогу ў поўным аб'ёме, адзначаюць у Міністэрстве аховы здароўя. У начны час для назірання за пацярпелымі ў бальніцах узмоцнены брыгады дзяжурных урачоў. Ва ўсіх лячэбных установах ёсць дастатковы запас перавязачнага матэрыялу і медыкаментаў, донарскай крыві. Арганізавана кругласутачнае дзяжурства персаналу на аптэчных складах для аператыўнага папаўнення бальніц неабходнымі лекавымі сродкамі. Забяспечваецца псіхалагічная падтрымка пацярпелых і іх блізкіх.
Нагадаем, у выніку выбуху ў мінскім метро 11 красавіка пацярпела больш за 200 чалавек. З іх 14 загінулі, 167 былі шпіталізаваны.
Цяпер чытаюць
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары