Ніводзін пасол не ўзяў удзелу ў афіцыйнай цырымоніі ўскладання вянкоў да манумента Перамогі.
Ніводзін з паслоў еўрапейскіх дзяржаваў, акрэдытаваных у Беларусі, не ўзяў удзелу ў афіцыйнай цырымоніі ўскладання вянкоў да манумента Перамогі, паведамляе агенцтва БелТА.
Пасля абразлівых выказванняў Аляксандра Лукашэнкі на адрас прэзідэнта Еўракамісіі Жазэ Мануэла Барозу (ён быў названы «казлом» і «нейкім Барозу») крыніца ў Еўрапейскай камісіі сказала: «Мы не прызнаем яго [Лукашэнку] дэмакратычна абраным прэзыдэнтам Рэспублікі Беларусь. У ЕК няма практыкі каментаваць заявы звычайных грамадзянаў».
Як вядома, еўрапейскія дзяржавы не прызнаюць выбараў 2001, 2006 і 2010 гадоў свабоднымі і справядлівымі. Еўрасаюз разглядае палітыку Беларусі як варожую, а таксама лічыць непрымальнымі парушэнні правоў чалавека ў Беларусі. Беларусь — адзіная краіна на захад ад Дняпра, у якой ёсць палітычныя вязні, зачыняюць СМІ і дзейнічае адказнасць за ўдзел у «незарэгістраваных арганізацыях». Гэта таксама адзіная краіна Еўропы, што падтрымлівае цесныя сувязі з Іранам, Венесуэлай і іншымі крыкліва антызаходнімі рэжымамі.
Фактычна, краіны Еўропы цяпер выкарыстоўваюць не тактыку ізаляцыі Беларусі, як раней, але тактыку ігнаравання асабіста Аляксандра Лукашэнкі. Высокія чыноўнікі пазбягаюць кантактаў з ім. А кіраўнікі дыпламатычных місій імкнуцца не прысутнічаць на мерапрыемствах з ягоным удзелам.
Аднак у выпадку з шэсцем на 9 Мая выпадак быў адваротны. Са словаў пасла Венгрыі Фэрэнца Контры, паслы ЕС не атрымалі афіцыйнага запрашэння прысутнічаць на цырымоніі.
-
«Мне казалі: ты гаворыш як канадскі эмігрант». Сяргей Шупа расказаў пра Вільню 90-х, параўнанне літоўскай літаратуры з беларускай і адрозненні паміж народамі
-
Лукашэнка паводзіць сябе ў «макдональдсе» як у савецкай сталоўцы. І думае, што гэта крута
-
Пуцін ужо павіншаваў Маджтабу Хаменеі, а Лукашэнка не. Чаго чакае?
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?20
Каментары