Сярод ужываных прадуктаў лідзіруюць малако, мяса, яйкі, гародніна і садавіна і толькі потым бульба.
У 2025 годзе сярэдні бюджэт адной хатняй гаспадаркі ў сталіцы склаў 3 435,5 рубля ў месяц.
Асноўная частка расходаў (65,3%) — на спажывецкія патрэбы. У структуры гэтых выдаткаў пераважалі харчаванне (38,6%), непрадуктовыя тавары (31,6%) і паслугі (27,7%), пішуць Мінск-навіны.
Каля 21,3% ад даходаў мінчане пакідалі на ўкладах; 6,8% — выдаткі на будаўніцтва і куплю нерухомасці. На падаткі, узносы і іншыя плацяжы сыходзіла 2,7%, на вядзенне асабістай падсобнай гаспадаркі — 0,2%, на іншыя неспажывецкія выдаткі — 3,7%.
Спецыялісты таксама падлічылі, колькі прадуктаў за год з'еў адзін жыхар сталіцы (без уліку харчавання ў кавярнях і рэстаранах).
Лідзіруюць малако і малочныя прадукты — 308 кг на год. На другім месцы мяса і мясныя вырабы — 86 кг. Яшчэ адным часта ўжывальным прадуктам сталі яйкі (каля 255 штук).
Гародніны за год адзін мінчанін з’еў 86 кг, садавіны і ягад — 79 кг. Пры гэтым спажыванне бульбы склала ўсяго 43 кг на год на чалавека.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?2
Каментары