Яна вярнулася на ўзровень вясны 2005 года.
Стаўка рэфінансавання Нацыянальнага банка Рэспублікі Беларусь з 1 чэрвеня 2011 г. вырасла на 2 працэнтныя пункты і складае цяпер 16% гадавых.
Як паведамляе ўпраўленне інфармацыі Нацбанка, чарговае павышэнне стаўкі рэфінансавання, а адпаведна і працэнтнай стаўкі па дэпазітах, накіравана на павелічэнне даходнасці па ўкладах у беларускіх рублях і ўзмацненне абароны рублёвых зберажэнняў у банках ад інфляцыі.
Галоўны банк краіны абяцае «і далей надаваць пільную ўвагу захаванасці і прывабнасці рублёвых укладаў насельніцтва і арганізацый у банках».
Гэта чацвёртае павышэнне стаўкі рэфінансавання з пачатку гэтага года.
Папярэднія разы яна падвышалася 18 мая — на 1 працэнтны пункт (да 14%),
16 сакавіка — на 1,5 працэнтнага пункта (з 10,5 да 12%), а затым 20 красавіка — на 1% да 13% гадавых.
Цяпер чытаюць
35‑гадовы дальнабойшчык з Беларусі раптоўна памёр у Кітаі. Гэта муж самай тытулаванай беларускай дзюдаісткі11
Каментары