Каля 3000 чалавек папоўняць армейскія шэрагі.
Каля 3000 чалавек папоўняць армейскія шэрагі.
26 ліпеня заканчваеццца чарговы прызыў грамадзян на тэрміновую ваенную службу. Цягам тыдня ва ўнутраныя войскі МУС, органы дзяржаўнай бяспекі і памежнай службы, а таксама ў асобныя падраздзяленні Узброенных сіл планавалася накіраваць каля 3 тысяч чалавек. 457 з іх — ураджэнцы Мінскай вобласці.
Па словах намесніка ваеннага камісара — начальніка аддзела прызыву ваеннага камісарыята Мінскай вобласці падпалкоўніка Валянціна Абухова, у вобласці план па прызыве можна лічыць выкананым. Мерапрыемствы па адпраўцы папаўнення ў войскі завершаны. Дзякуючы дастатковай колькасці жадаючых служыць выкананне плана ў перыяд прызыўной кампаніі не выклікала ніякіх цяжкасцей.
Асаблівасцю цяперашняга прызыву стала тое, што ваенныя камісарыяты вобласці
накіроўвалі новае папаўненне пераважна ў часці і злучэнні ўнутранных войск МУС, органаў дзяржаўнай бяспекі і памежнай службы, а таксама ў роту ганаровай варты.
Валянцін Абухоў нагадаў, што сёлета змяніліся тэрміны прызыву. Таму наступныя адпраўкі навабранцаў у войскі плануецца ў лістападзе 2011 года і ў маі 2012 года. Зроблена гэта для таго, каб маладыя людзі маглі спакойна закончыць чарговы навучальны год у сваёй навучальнай установе, вызначыцца з працягам вучобы альбо пачаткам працоўнай дзейнасці. Дзякуючы гэтаму дасягаецца спалучэнне інтарэсаў нацыянальнай бяспекі дзяржавы з інтарэсамі чалавека. Восенню 2011 года на тэрміновую службу будут прызваны тыя, хто ўжо вызначыўся з жыццёвымі планамі на бліжэйшы час. А вясной наступнага года не будуць, напрыклад, прызываць тых, хто яшчэ не закончыў вучобу.
Двойчы на год з Мінскай вобласці могуць папоўніць войскі ад 1200 да 1400 навабранцаў.
Цяпер чытаюць
У Мінску перадумалі зносіць хрушчоўкі. Рэнавацыя закране двух-трохпавярховыя дамы1
Каментары