Навінка будзе ўведзена на матчы «Віцебск» — БАТЭ.
Інстытут сцюардаў упершыню будзе апрабаваны сёння ў Віцебску на футбольным матчы каманд "Віцебск" і БАТЭ,
паведаміў карэспандэнту БЕЛТА намеснік начальніка ўпраўлення аховы правапарадку і прафілактыкі УУС Віцебскага аблвыканкама Андрэй Іваноў.
Паводле яго слоў, еўрапейская сістэма аховы правапарадку на футбольных матчах, калі сумесна з паліцыяй гарантаваннем бяспекі займаюцца добраахвотнікі -- сцюарды, добра сябе зарэкамендавала. Беларуская міліцыя ў сувязі з шматлікімі зваротамі заўзятараў таксама вырашыла пайсці насустрач і скараціць колькасць сваіх супрацоўнікаў падчас матчу, замяніўшы іх сцюардамі-дружыннікамі.
На футболе ў Віцебску сумесна з міліцыяй будуць дзяжурыць 30 дружыннікаў.
Яны прайшлі спецыяльную падрыхтоўку і ведаюць, як дзейнічаць у надзвычайных сітуацыях і ў выпадках хуліганскіх выхадак фанатаў. Да дзяжурства дапушчаныя толькі мужчыны не старэйшыя за 40 гадоў атлетычнага складу. Пазнаць іх можна будзе па спецыяльнай форме.
Цяпер чытаюць
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?15
Каментары