У Гомелі ў Дзень дэсантнікаў абвешчаны Дзень цвярозасці і адключаны фантаны
У Гомелі з 7.00 2 жніўня да 7.00 3 жніўня, згодна з распараджэннем гарвыканкама, забаронена рэалізацыя алкагольных, слабаалкагольных напояў і піва ў гандлёвых аб'ектах горада, за выключэннем стацыянарных гандлёвых аб'ектаў грамадскага харчавання. "Дзень цвярозасці праводзіцца ў Гомелі з мэтай прапаганды здаровага спосабу жыцця, а таксама прафілактыкі п'янства і алкагалізму сярод моладзі",— паведамляе аддзел ідэалагічнай працы гарвыканкама.
У Гомелі Дзень цвярозасці ў 2011 годзе праводзіцца ўпершыню. У лютым 2010 года старшыня Гомельскага гарвыканкама Віктар Піліпец заявіў, што дзён цвярозасці ў абласным цэнтры больш не будзе, таму што кіраўнік горада не бачыць эфекту ад такой меры і абмежаванні на продаж спіртнога скарачаюць паступленні ў бюджэт.
Пра тое, ці звязана правядзенне Дня цвярозасці з Днём ПДВ, карэспандэнт БелаПАН пацікавіўся ў начальніка аддзела ідэалагічнай працы гарвыканкама Ганны Шыдлоўскай. "Яны (дэсантнікі) самі сабе праводзяць, мы — самі сабе. Без каментарыяў", — сказала Шыдлоўская.
Апрача таго, 2 жніўня ў Гомелі адключылі фантаны. Ці звязана гэтай з традыцыяй былых ваеннаслужачых купацца ў іх — невядома.
"Міліцыя будзе адэкватна рэагаваць на наяўнае аператыўнае становішча, каб забяспечыць грамадскі парадак і спакой грамадзян", — запэўніў БелаПАН начальнік упраўлення аховы правапарадку і прафілактыкі УУС Гомельскага аблвыканкама Анатоль Васільеў.
Паводле яго слоў, у Гомельскай вобласці за распіванне спіртных напояў і з'яўленне ў нецвярозым стане ў грамадскіх месцах за шэсць месяцаў 2011 года складзена больш як 18,5 тыс. адміністрацыйных пратаколаў. Год таму іх было на 2 тыс. менш. Разам з тым знізілася колькасць злачынстваў, учыненых у стане алкагольнага ап'янення. У 2010 годзе за сем месяцаў іх было 2.666, сёлета — 2.362. Таксама скарацілася колькасць памерлых ад выпадковага атручэння алкаголем — за паўгода ў 2011 годзе загінулі 149 чалавек, за шэсць месяцаў 2010 года — 227. За сем месяцаў 2011 года ў ЛПП былі адпраўлены 593 чалавекі (585 — летась).
-
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
-
Педагога-арганізатара з Гомеля, якая раней узначальвала ваенна-патрыятычны клуб, асудзілі па трох палітычных артыкулах
-
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?7
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць77
Каментары