Умовы, якія не задаволілі беларускі бок, — застава 35% акцый «Беларуськалія».
Гэтую навіну агучыў кіраўнік «Беларуськалія» Валерый Кірыенка.
Кіраўнік «Беларуськалія» Валерый Кірыенка упэўнены, што ўрад Беларусі адрачэцца крэдыту Ашчадбанка Расіі і «Дойчэ Банка» на $ 2 млрд на прапанаваных умовах.
«На тых умовах, якія выставіў расійскі бок, я ўпэўнены, што наш урад не пагодзіцца», — заявіў ён у чацвер. Кірыенка растлумачыў, што маецца на ўвазе залог 35% акцый прадпрыемства.
«Не так ужо ў нас усё дрэнна, каб пайсці на гэта», — цытуе яго БелТА.
У той жа час Валерый Кірыенка прывёў у прыклад азербайджанскі крэдыт «Беларуськалію» на $ 300 млн., які ўзяты на выгадных умовах. «Тут мы нічога не страцілі», — адзначыў гендырэктар. Мінфін Беларусі прадаў «Беларуськалію» аблігацыі — прадпрыемства «падставіла плячо дзяржаве», растлумачыў ён.
Нагадаем, што ў пачатку жніўня прэм'ер-міністр Расіі Пуцін паведаміў, што Ашчадбанк Расіі і Deutsche Bank разам дадуць крэдыт «Беларуськалію» на $ 2 млрд пад заставу 35% акцый прадпрыемства.
Магчыма, менавіта адмова ад расійска-нямецкага крэдыту і выклікала рэзкае падзенне беларускага рубля на чорным рынку ў жніўні.За апошнія некалькі тыдняў рубель упаў з 6200 да 7700 за даляр. Аналітыкі не маглі вытлумачыць прычыны такога падзення.
Цяпер чытаюць
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2121
Каментары