Нацыянальны банк катэгарычна абвяргае паведамленні, што з'явіліся ў СМІ, пра забарону камерцыйным банкам прадаваць насельніцтву наяўную замежную валюту праз абменныя пункты.
Нацыянальны банк Беларусі катэгарычна абвяргае паведамленні, што з’явіліся ў СМІ, пра забарону камерцыйным банкам прадаваць насельніцтву наяўную замежную валюту праз абменныя пункты.
«Абсалютная большасць банкаўскіх абменных пунктаў будуць ажыццяўляць аперацыі як па куплі, так і па продажы валюты», — гаворыцца ў каментары Нацбанка ў сувязі з лістом, які быў разасланы банкам 23 жніўня.
У лісце Нацбанка, нагадаем, утрымлівалася рэкамендацыя ажыццяўляць у абменных пунктах, размешчаных на рынках і ў гандлёвых цэнтрах, толькі куплю наяўнай замежнай валюты з наступным накіраваннем гэтай валюты на продаж насельніцтву на сацыяльна значныя патрэбы.
Як тлумачыць Нацбанк, ліст быў падрыхтаваны ў адпаведнасці са зваротам Асацыяцыі беларускіх банкаў і накіраваны ў адрас толькі шасці сістэмаўтваральных банкаў краіны. «Названае рашэнне звязанае, перш за ўсё, з неабходнасцю ўпарадкавання сітуацыі вакол абменных пунктаў, размешчаных у буйных гандлёвых цэнтрах і на рынках. Маніторынг паказвае, што ў гэтых месцах назіраюцца чэргі з грамадзян, якія набываюць валюту, — гаворыцца ў каментары. — Пры гэтым у чэргах практычна прысутнічаюць адны і тыя ж асобы, якія з вялікай доляй верагоднасці набываюць замежную валюту для наступнага яе продажу на нерэгуляваных сегментах валютнага рынку».
Акрамя таго, лічаць у Нацбанку, «наяўнасць чэргаў каля абменных пунктаў не толькі перашкаджае нармальнай працы персаналу гандлёвых цэнтраў і рынкаў, але і стварае значныя нязручнасці для іх наведнікаў».
У сувязі з гэтым буйным беларускім банкам, якія маюць пункты абмену валюты на тэрыторыі гандлёвых цэнтраў і рынкаў, дадзена права сумесна з кіраўніцтвам гэтых гандлёвых аб’ектаў вызначыцца — ці хочуць яны выкарыстаць прапанаваны ў лісце Нацбанка рэжым працы абменных пунктаў, і ў якіх канкрэтных абменных пунктах.
«Усе астатнія абменныя пункты краіны, гэта значыць абсалютная большасць, будуць ажыццяўляць аперацыі як па куплі, так і па продажы валюты», — падкрэсліваецца ў каментары галоўнага банка краіны.
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію28
Каментары