Прыйдзе яно ў канцы верасня -- пачатку кастрычніка з усімі атрыбутамі: лятаючым павуціннем і буйствам асенніх фарбаў.
паведаміла галоўны сіноптык Рэспубліканскага гідраметэацэнтра Людміла Парашчук.
Нягледзячы на тое, што сёлета ў верасні цяпло вяртаецца ўжо другі раз, гэта яшчэ не класічнае бабіна лета, нязменнымі
атрыбутамі якога з’яўляюцца не толькі цёплае сонечнае надвор’е, але і лятаючае павуцінне, а таксама буйства асенніх фарбаў.
Звычайна бабіна лета пачынаецца пасля кароткачасовага пахаладання — у сярэдзіне або ў канцы верасня, а часам нават у пачатку кастрычніка. Праўда, прыкладна раз у 7 гадоў бабінага лета не бывае. Яно можа прадаўжацца ад некалькіх дзён да двух тыдняў і больш. У 1975 годзе бабіна лета ў Мінску пачалося 8 верасня і прадаўжалася цэлы месяц. Часам можна назіраць некалькі перыядаў бабінага лета. Напрыклад, у 1966 годзе першы цёплы перыяд быў з 12 па 18 верасня, другі — з 1 па 13 кастрычніка і трэці — з 16 па 25 кастрычніка. Восенню 2005 года было два перыяды бабінага лета — з 1 па 15 верасня і з 27 верасня па 7 кастрычніка.
У гэтым годзе бабіна лета ў Беларусі чакаецца ў канцы верасня — пачатку кастрычніка.
У Тлумачальным слоўніку Даля ў артыкуле пра бабіна лета сустракаецца такое паняцце, як
маладое бабіна лета. Можна меркаваць, што цяпер у Беларусі ўстанавілася менавіта яно.
Феномен бабінага лета тлумачаць і з навуковага пункту погляду. Справа ў тым, што ў ходзе хімічнай рэакцыі раскладання хларафілу ў перыяд хуткага адначасовага пажаўцення лісця выдзяляецца вельмі вялікая колькасць цяпла.
Дарэчы, бабіна лета ёсць не толькі ў славян. У немцаў гэты час называецца «старэчым летам», у Францыі — «летам Святога Марціна», у Чэхіі — «павуцінным летам», а ў ЗША — «індзейскім летам».
Цяпер чытаюць
Як у галечы співалася радня Лукашэнкі? Малавядомыя факты10
Каментары