Яўгена Васьковіча перавялі ў адзіночную камеру. Бабруйскі журналіст напісаў маці, што ў «адзіночцы» яму нашмат лепш,паведамляе партал babruisk.by.
— Жэня нарэшцео напісаў ліст, — расказвае Рушанія Васьковіч, маці Яўгена. — Ліст быў даволі стрыманы, быццам ён нешта недагаворвае. Напісаў, што яго перавялі ў адзіночку, і там яму нашмат лепш, бо ён можа пісаць, чытаць кнігі, нават пасцельную бялізну даюць. Піша: «Мама, прабач, але працаваць на іх я не буду!»
Нагадаем, што адміністрацыя магілёўскай калоніі даўно ўжо абяцала адправіць Яўгена Васьковіча ў памяшканне камернага тыпу. Прычына — нежаданне хлопца выконваць умовы ўнутранага рэжыму.
Іншыя фігуранты гэтай справы Арцём Пракапенка і Павел Сырамлотаў таксама адбываюць тэрмін у Магілёўскай вобласці. Арцём — у Шклоўскай, а Павел — у калоніі № 19, — яна знаходзіцца недалёка ад калоніі № 15, у якой сядзіць Яўген Васьковіч.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда17
Каментары