Як ва ўмовах падаражаньня электраносьбітаў менш плаціць за ваду, газ, элетраэнэргію.
Беларусы паступова сталі прызвычайвацца да эканоміі. У гарадзкіх кватэрах ужо ня дзіва лічыльнікі вады і электраэнэргіі.
Новыя кошты на газ відавочна падштурхнуць да пошукаў лічыльнікаў выкарыстаньня газу. Цяпер нават улады зразумелі, што без эканоміі, і ў грамадзкім сэктары таксама, не абысьціся. Нават павярхоўнае азнаямленьне з рынкам вымяральнай тэхнікі наводзіць на думку, што эканомія энэргарэсурсаў прадбачылася ня сёньня. Беларускія прадпрыемствы ўжо колькі год вырабляюць лічыльнікі вады, газу і электраэнэргіі.
Лічыльнікі вады ў Беларусі выпускаюць у Менску. Завод «Электроніка» выпускае кватэрныя электронныя лічыльнікі халоднай і гарачай вады. ААТ «МПОВТ» ды прадпрыемства »Армас» прапануюць лічыльнікі колькасьці вады і цяпла.
Лічыльнікі электраэнэргіі вырабляюць ААТ «Брэсцкі Электрамеханічны завод» і УП «Віцебскі завод электравымяральных прыбораў». Лічыльнікі газу прапануюць Менскі механічны завод імя Вавілава і той жа ААТ «Брэсцкі Электрамеханічны завод».
З прадукцыяй беларускіх вытворцаў можна азнаёміцца на віртуальным кірмашы.
Варта адзначыць, што да прадукцыі віцебскага заводу, у прыватнасьці да аднафазавых электронных лічыльнікаў, беларускія экспэрты маюць пэўныя прэтэнзіі. Таму будзьце пільныя пры выбары лічыльнікаў, тым больш, што ёсьць выбар.
Цяпер чытаюць
Мінскі школьнік праспаў прыпынак. Але кіроўца аўтобуса давёз яго дадому!3
Мінскі школьнік праспаў прыпынак. Але кіроўца аўтобуса давёз яго дадому!
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары