Стыў Джобс заснаваў кампанію Apple у 1976 годзе.
Экс-гендырэктар кампаніі Apple Стыў Джобс памёр ва ўзросце 56 гадоў. Пра гэта гаворыцца ў паведамленні Apple.
Стыў Джобс заснаваў кампанію Apple у 1976 годзе разам са Стывам Вознякам (Steve Wozniak) і Рональдам Уэйнам (Ronald Wayne). У 1985 годзе ён сышоў адтуль праз рознагалоссі з вышэйшым кіраўніцтвам карпарацыі, а ў 1997 годзе вярнуўся і з 2000 года сам стаў яе генеральным дырэктарам.
У жніўні 2011 года Стыў Джобс пасля працяглага адпачынку пакінуў пост начальніка Apple. Гендырэктарам кампаніі стаў Тым Кук (Tim Cook), які замяшчаў Джобса з 17 студзеня 2011 года, калі той сышоў у адпачынак па хваробе. Пры гэтым Стыў Джобс быў абраны старшынёй рады дырэктараў Apple.
У сваім лісце да супрацоўнікаў кампаніі Джобс тады заявіў: «Я заўсёды казаў, што калі наступіць той дзень, калі я не змагу больш адпавядаць сваім абавязкам і чаканням у якасці генеральнага дырэктара, я першым паведамлю вам пра гэта. На жаль, гэты дзень надышоў».
Apple і сам Джобс не паведамлялі прычыны, якія зрабілі немагчымым вяртанне мэнэджара да кіраўніцтва кампаніяй. Аднак журналісты і блогеры сышліся ў меркаванні, што прычынай такога рашэння стаў стан здароўя Джобса.
Стыў Джобс неаднаразова меў праблемы са здароўем.
У 2003 годзе ў яго быў выяўлены рак падстраўнікавай залозы,які ўдала прааперавалі праз год. У 2008 годзе Джобс моцна схуднеў, што справакавала чуткі пра магчымы рэцыдыў рака. Улетку 2009 года стала вядома, што Джобс перанёс аперацыю па перасадцы печані.
Apple з'яўляецца найбуйнейшай IT-кампаніяй свету з рынкавай капіталізацыяй больш за $300 мільярдаў .У 2010 году яна адабрала гэтае званне ў Microsoft. Apple выпускае кампутары Mac і наўтбукі MacBook, а таксама лінейку партатыўных прылад, у якую ўваходзяць смартфоны iPhone, плэеры iPod і планшэт iPad.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»21
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары