Былы амбасадар Вялікабрытаніі Браян Бенет выдаў кнігу пра Беларусь.
«Шакуючая казка з нашых часоў» — так характарызуюць новую кнігу «Апошняя дыктатура Еўропы: Беларусь пад Лукашэнкам» . Браян Бенет, які шмат гадоў быў амбасадарам Вялікай Брытаніі ў Беларусі, напісаў кнігу ўспамінаў.
«Гэтая кніга не спадабаецца Аляксандру Лукашэнку» — кажуць прадстаўнікі беларускай супольнасці ў Лондане.
«Беларусь, ізаляваная краіна пад кіраўніцтвам адзінага бязлітаснага лідара, з’яўляецца апошняй дыктатурай сучаснай Еўропы, --
пішуць пра кнігу выдаўцы. -- Нягледзячы на захапляльную гісторыю, багатую культуру, і цудоўныя краявіды, толькі некалькі нерэзідэнтаў падарожнічаць і атрымліваць асалоду ад багаццяў Беларусі, і хаця грамадзяне здаюцца прыязнымі і гасціннымі, яны жывуць пад пастаяннай пагрозай арышту. Беларусь існуе па-за сучаснымі еўрапейскімі нормамі, замарожаная ў часе тыранічнага рэжыму, які калісьці падмануў сваіх грамадзян, прымусіўшы іх думаць, што новы лідар павядзе іх у светлую будучыню. Замест гэтага, Аляксандр Лукашэнка праводзіць тыранічную мадэль кіравання, такую самую, як і тыя, хто кіраваў да яго. Браян Бенет адсочвае гісторыю Беларусі ад распаду Савецкага Саюза да 2006 года. Ён апісвае захапленне, адчутае многімі беларусамі пасля першых прэзідэнцкіх выбараў 1994 года, і халоднае ўсведамленне таго, што краіна вяртаецца на кругі свая. Пра гэта сведчыць правядзенне недэмакратычных рэферэндумаў, падтасаваных выбараў, падазроныя знікненні, і жорсткае падаўленне грамадскай апазіцыі. Бенет сканчае ўважлівым аналізам феномена Лукашэнкі і шляху, якім у адзін цудоўны дзень ягоны рэжым можа абрынуцца».
Набыць кнігу можна тут. Выдавецтва Columbia University Press.
Цяпер чытаюць
У Беларусі больш не будуць прымаць платнікаў у медуніверсітэты. Што пра гэта кажуць дактары?1
Каментары