Памер дзяржаўнага доўгу ЗША дасягнуў беспрэцэдэнтных паказчыкаў, перавысіўшы ў сераду $ 15 трлн, заявіла амерыканскае міністэрства фінансаў.
У цяперашні час у кангрэсе працуе так званы суперкамітэт, закліканы знайсці кампраміс па скарачэнні дзяржбюджэту. Рэспубліканцы, якія ўваходзяць у яго, настойваюць, што галоўным спосабам дасягнення гэтай мэты павінен стаць перагляд у бок скарачэння памеру выдаткаў на ахову здароўя для пажылых людзей, у тым ліку за кошт росту пенсійнага ўзросту. Калі не пайсці на гэта, настойваюць яны, гэтыя дзяржпраграмы збанкрутуюць самі сабой.
Дэмакраты, у сваю чаргу, настойваюць на павелічэнні падаткаў, у прыватнасці, на самых багатых амерыканцаў. Рэспубліканцы сцвярджаюць, што калі пайсці на гэты крок, бізнэс перастане думаць аб стварэнні рабочых месцаў і праблема беспрацоўя толькі толькі пагоршыцца.
Сваё рашэнне «суперкамітэт» павінен абвясціць ужо праз тыдзень, і пакуль бачнага прагрэсу няма. Калі дэмакраты і рэспубліканцы, якія ўваходзяць у яго, не здолеюць дамовіцца, у сілу ўступіць аўтаматычнае скарачэнне артыкулаў бюджэту, прадугледжанае дамоўленасцю аб узняцці столі дзярждоўгу, якая была дасягнутая гэтым летам. У адпаведнасці з ёй бюджэт Пентагона, напрыклад, можа пазбавіцца сотняў мільярдаў даляраў.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы13
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары