Сённяшняе судовае слуханне па справе праваабаронцы Алеся Бяляцкага доўжылася каля 15 хвілін.
Пасяджэнне пачалося з допыту Бяляцкага, аднак той заявіў, што
Пасля гэтага суд задаволіў хадайніцтва адваката Дзмітрыя Лаеўскага аб далучэнні да матэрыялаў справы ліста з Нарвежскага Хельсінкскага камітэта, у якім гаворыцца, што сродкі на рахункі Бяляцкага пералічваліся для ажыццяўлення праваабарончай дзейнасці, і не з’яўляюцца яго даходам.
Суддзя Сяргей Бандарэнка таксама задаволіў хадайніцтва пракурора Уладзіміра Сайкоўскага далучыць да матэрыялаў справы даведку з Міністэрства юстыцыі аб спробах рэгістрацыі праваабарончага цэнтра «Вясна» і даведку з Інспекцыі Міністэрства па падатках і зборах Першамайскага раёна Мінска аб даходах падсуднага за 2009 год.
Затым адвакат папрасіў суд аб’явіць перапынак да заўтра для падрыхтоўкі да судовых спрэчак. Пракурор гэта хадайніцтва падтрымаў, а суд — задаволіў.
На папярэднім пасяджэнні, 16 лістапада, пракурор зачытаў удакладненае абвінавачанне, згодна з якім Бяляцкі атрымліваў частку даходаў з грошай, што паступалі на яго замежныя банкаўскія рахункі, у сувязі з выкананнем ім дагаворных абавязацельстваў. Раней абвінавачанне лічыла ўсе сродкі, што знаходзяцца на рахунках Бяляцкага ў літоўскім і польскім банках, яго даходам.
З пункту гледжання абвінавачання, Бяляцкі наўмысна не падаў падатковым уладам звесткі аб даходах за 2007 год і не адлюстроўваў у дэкларацыі даходы, што паступалі на яго замежныя рахункі, чым нанёс дзяржаве ўрон у асабліва буйным памеры.
Працэс па справе Алеся Бяляцкага пачаўся 2 лістапада. Справу разглядае суд Першамайскага раёна сталіцы, але слуханні праходзяць у будынку суда Маскоўскага раёна, дзе больш умяшчальныя залы.
Праваабарончая дзейнасць, кіраўніцтва ЕС і шэрагу дэмакратычных краін лічаць крымінальны пераслед Бяляцкага палітычна матываваным і патрабуюць ад беларускіх уладаў яго безумоўнага вызвалення.
Цяпер чытаюць
Вызваленыя беларускія палітвязні паразмаўлялі з Зяленскім4
Каментары