Патрыярх: чарга да пояса Багародзіцы выклікала злосць толькі ў тых, хто «ў палоне д'ябла»
Чарга, што выстраілася ў Маскве да пояса Багародзіцы ў храме Хрыста Збаўцы, стала сімвалам веры для праваслаўных і шокам для нявернікаў, заявіў патрыярх Кірыл.
«Ні адно мерапрыемства — ні палітычнае, ні спартовае — за ўсю гісторыю не сабрала столькі людзей, колькі прынясенне пояса Найсвяцейшай Багародзіцы. Гэта і было шокам для людзей, якія на дух не пераносяць веру», — сказаў патрыярх, дадаўшы, што шматкіламетровыя чэргі да пояса Божай Маці былі «малітоўным подзвігам, подзвігам веры, які мяняў людзей на вачах».
Патрыярх падкрэсліў, што прынясенне святыні патрэбнае было ў тым ліку для таго, каб людзі ўбачылі, што «мы жывем у праваслаўнай краіне».
«Ну, а хто гэтае пачуццё называў абскурантызмам, забабонамі — нават адзін артыст дагаварыўся — сектанцтвам, хай будзе на сумленні ўсіх гэтых людзей. Як яны могуць узяць на сябе права судзіць людзей, не ведаючы, што адбываецца ў душах чалавечых… Калі некаторыя людзі, не ведаючы броду, лезуць у ваду і пачынаюць разважаць пра тое, што імкненне чалавека да цуду — ледзь не цемрашальства, то яны проста сваю ўласную хваробу, унутранае расстройства выплюхваюць вонкі», — сказаў патрыярх.
Такія выказванні ён патлумачыў тым, што «людзі знаходзяцца ў палоне д’ябла», і таму «божы цуд у адных выклікае раздражненне, у другіх — злосць, у трэціх — паклёп».
Пояс Багародзіцы знаходзіўся ў Расіі з 20 кастрычніка па 28 лістапада. Асноўны паток паломнікаў накіраваўся ў маскоўскі храм Хрыста Збаўцы. Людзі стаялі ў чарзе суткамі — толькі калі пояс ўзнялі на арку, стаянне ў чарзе скарацілася з 26 гадзін да 45 хвілін.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?8
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары