13 снежня балетным спектаклем «Жызэль» у Магілёве адкрыецца філіял Нацыянальнага акадэмічнага Вялікага тэатра оперы і балета.Аб гэтым паведаміў генеральны дырэктар тэатра Уладзімір Грыдзюшка 12 снежня на
Паводле яго слоў, гаворка ідзе аб пастаяннай аснове для гастрольнай дзейнасці ў Магілёве. «Філіял — рабочая назва. Мы не ствараем там трупу, не ўтвараем юрыдычную асобу», — сказаў Грыдзюшка. На першым часе спектаклі Вялікага тэатра плануецца паказваць раз на месяц, а ў наступным — два разы на месяц: балет і оперу.
Дагавор аб арганізацыі паўнацэнных рэгулярных гастроляў паміж кіраўніцтвам тэатра і Магілёўскага аблвыканкама быў падпісаны месяц таму. У найбліжэйшай будучыні падобныя філіялы Вялікага тэатра плануецца стварыць у Гомелі, Полацку і Нясвіжы. Надалей пастаянныя гастролі Вялікага тэатра плануецца арганізоўваць і ў іншых буйных гарадах Беларусі.
Паводле слоў Грыдзюшкі, адкрыццё філіялаў Вялікага тэатра ў рэгіёнах стала магчымым дзякуючы пашырэнню трупы балета і стварэнню трупы стажораў. Гэта таксама дазваляе даваць паўнацэнныя спектаклі балета ў Мінску ў той час, калі асноўны склад балета знаходзіцца на гастролях за мяжой.
Як адзначыў дырэктар, 13 снежня балетная трупа тэатра выязджае ў вялікі гастрольны тур па найбуйнейшых гарадах Аўстрыі і Германіі. Беларускія артысты пакажуць два спектаклі: «Лебядзінае возера» і «Шчаўкунчык». У лістападзе артысты балета паспяхова гастралявалі па Іспаніі, што не перашкодзіла паказам спектакляў у Мінску, дадаў ён.
-
У Гомельскім драматычным тэатры — кадравыя чысткі. Зноў праз «палітыку»
-
«Будзе смешна і балюча»: «Купалаўцы» прэзентуюць заўтра новы спектакль. У галоўных ролях — Манаеў, Белахвосцік, Гарцуева
-
«Рашэнне прыйшло звонку». Што адбываецца ў віцебскім тэатры, дзе ў спектаклі прагучала «Жыве Фландрыя!» і пачалася чарада звальненняў?
Цяпер чытаюць
Палякі купляюць дамы ў Беларусі — цікавяцца, ці хопіць на жыццё еўрапейскай пенсіі, і радуюцца смешным выдаткам18
Каментары