Надзвычайная сітуацыя: Мінгарвыканкам выводзіць на снег работнікаў дзяржпрадпрыемстваў
«На заўтра ўсе супрацоўнікі выводзяцца на працу дзеля ўборкі».
«Працую на дзяржпрадпрыемстве. Кіраўніцтва паведаміла, што на заўтра ўсе супрацоўнікі выводзяцца на працу дзеля ўборкі снега з фармулёўкай «Надзвычайная сітуацыя». Спасылаюцца на загад з Мінгарвыканкама», — паведаміў «Нашай Ніве» чытач у пятніцу.
* * *
200 самазвалаў вывозяць снег з Мінска, а ўсё адно праспекты горада звузіліся. Слізгата:
у снежныя дні ў сталіцы рэгіструецца больш за 200 здарэнняў, удвая больш, чым у звыклы час.
Сённяшняя пятніца ў гэтым сэнсе абяцае быць найгоршай.
У Мінску чакаецца моцны снег, а ў Гомелі і Магілёве — нечуванай інтэнсіўнасці. Прычым завіруха: з ветрам да 15—20 метраў за секунду.На Гродзеншчыне, у Панямонні снег валіць ад ранку. У Мінску на світанні пакуль сыпле толькі невялікі сняжок.
Пік снегападу ў Гомелі, Магілёве і Мінску чакаецца сёння ўдзень.
Завея прывядзе да заносаў на дарогах.
А вось у Берасцейшыне іншая трасца: удзень магчымы дождж, і пры гэтым тэмпература каля нуля, што выклікае галалёдзіцу на дарогах.
Тэмпература паветра чакаецца ад +1 на максімуме ў Брэсце да -8 на мінімуме па ўсім усходзе краіны.
У суботу чакаецца лагоднае надвор'е, а ў нядзелю зноў завее снег.
На аўтатранспраце ў пятніцу і нядзелю па магчымасці лепей не выязджаць, просіць ДАІ.Калі ж машыны адрачыся няма як, варта памятаць, што асабліва слізка бывае на мастах і пад імі, каля пешаходных пераходаў, у далінах рэк.
Цяпер чытаюць
Жанчыны ў ахове і браняваны картэж. Як Украіна арганізавала бяспеку візіту Ціханоўскай у Кіеў15
Каментары