200 мінчукоў пратэстуюць супраць будаўніцтва двух дамоў для спецназаўцаў
Гарадскія ўлады хочуць ушчыльніць забудову Уручча і дадаць яшчэ два шматпавярховікі.
Жыхары мінскага мікрараёна Уручча-2 чарговы раз накіравалі зварот у адміністрацыю Першамайскага раёна з патрабаваннем не будаваць на зялёнай зоне два дамы для супрацоўнікаў спецназа. Такое рашэнне прынята на сходзе жыхароў.
Гарадскія ўлады плануюць забудаваць тэрыторыю сквера, які знаходзіцца на скрыжаванні вуліц Шугаева і Русіянава, яшчэ з 2005 года. На ўсіх ранейшых грамадскіх абмеркаваннях людзі адназначна заяўлялі пра нязгоду з планамі будаўніцтва шматпавярховых дамоў на месцы зялёнай зоны, ушчыльную да існай жылой забудовы і накіроўвалі лісты-скаргі ў розныя інстанцыі.
Плануецца, што два жылыя шматпавярховікі будуць пабудаваны для супрацоўнікаў палка міліцыі адмысловага прызначэння (спецназа), якім патрэбна палепшыць свае жыллёвыя умовы. Дарэчы, спецназаўцы змогуць атрымаць ільготны крэдыт пад 5% гадавых.
Вынікам чарговага збору стаў калектыўны зварот грамадзян у адміністрацыю Першамайскага раёна Менска, пад якім падпісаліся ўсе прысутныя на зборы (каля 200 чалавек).
Удзельнікі збору нагадалі ўладам, што шчыльнасць насельніцтва ў мікрараёне ўжо цяпер у разы перавышае нарматывы і дасягае 766 чал/га; а шчыльнасць жыллёвага фонду — 14,048 кв. м/га. У генплане раён пазначаны як «раён з залішне высокай інтэнсіўнасцю шматкватэрнай забудовы».
Цяпер чытаюць
Арыштаваны 75‑гадовы Зміцер Санько — ветэран-выдавец2
Каментары