Рымашэўскі сарваў падпісанне пагаднення аб адзінстве дзеянняў апазіцыі
І атрымаў падсрачнік ад Фядуты.
Лябедзька, Мілінкевіч, Някляеў, Янукевіч былі гатовыя падпісаць пагадненне аб адзінстве дзеянняў апазіцыі ў часе «выбараў» у палату прадстаўнікоў.Прапаноўваўся прымальны для ўсіх
Калякін, які спачатку быў за ўдзел у выбарах, пагадзіўся далучыцца да пазіцыі большасці.Чакалася, што сёння лідары кааліцыі абвесцяць пра падпісанне дэкларацыі «Аб грамадскай дыскусіі пра мэты і формы ўдзелу беларускай апазіцыі ў выбарах 2012 года». Спецыяльна для гэтага на 12.00 была склікана
Аднак нечакана падпісанне пагаднення сарваў Віталь Рымашэўскі з Беларускай хрысціянскай дэмакратыі.Афіцыйнай падставай для непадпісання стала тое, што Рымашэўскага запозна пазнаёмілі з тэкстам дакумента. Як заявіў журналістам Рымашэўскі, тэкст дэкларацыі быў падрыхтаваны рухам «За свабоду», але ўзгоднены не з усімі ўдзельнікамі кааліцыі. Як піша агенцтва «Інтэрфакс», «ён адмовіўся патлумачыць, у чым заключаецца прынцыповае разыходжанне варыянтаў дэкларацыі».
Нарада доўжылася прыкладна паўгадзіны.
Як стала вядома, пазіцыя Рымашэўскага настолькі раззлавала Аляксандра Фядуту з «Гавары праўду», што той даў яму выспятка. «З развароту», — перадаюць пікантныя дэталі відавочцы інцыдэнта.Няма сумневу, што гэтыя маляўнічыя дэталі прыцягнуць увагу СМІ.
У кааліцыю «шасці» ўваходзяць Аб’яднаная грамадзянская партыя (АГП), Партыя БНФ, Беларуская партыя левых «Справядлівы свет», аргкамітэт па стварэнні партыі «Беларуская хрысціянская дэмакратыя» (БХД), Рух «За свабоду» і грамадзянская кампанія «Гавары праўду!».
Намеснік старшыні Руху за Свабоду Юрый Губарэвіч кажа, што менавіта гэты тэкст раней абмяркоўваўся на пасяджэннях кааліцыі.У выніковым варыянце, паводле яго слоў, сталі больш ясна прапісаны палажэнні аб умовах, што вылучаюцца ўладам, а таксама аб зняцці кандыдатаў у дэпутаты перад датэрміновым галасаваннем. Як падкрэсліў Губарэвіч, дэкларацыю сёння гатовы былі падпісаць усе ўдзельнікі кааліцыі, апрача БХД.
Губарэвіч сказаў у размове з «Нашай Нівай», што сітуацыя нагадвае вылучэнне адзінага кандыдата ад Беларускага незалежніцкага блока ў 2010 годзе.Тады таксама БХД урэшце заблакавала працэдуру.
Лідар АГП Анатоль Лябедзька больш аптымістычны. Ён паведаміў, што ўдзельнікі кааліцыі паспрабуюць правесці новы раунд перамоваў і
Як вынікае з дэкларацыі, тэкст якой быў раздадзены журналістам,
удзельнікі кааліцыі зыходзяць з таго, што ў краіне адсутнічае легітымны механізм выбараў.
«Права на выбар заменена яго імітацыяй, а сам электаральны працэс ператварыўся ў фарс, прычым дзяржава нават не лічыць неабходным гэта хаваць. Дэмакратычныя сілы гатовы да сумленнай барацьбы за дэпутацкія мандаты, але на сапраўдных свабодных выбарах», — гаворыцца ў дакуменце.
Разам з тым удзельнікі кааліцыі мяркуюць, што прапісаная ў заканадаўстве працэдура з’яўляецца адзінай законнай магчымасцю на працягу трох месяцаў штодзень весці «поўнамаштабны дыялог» з выбаршчыкамі — не толькі даваць ацэнкі таго, што адбываецца ў кране, але і выслухаць людзей.
Менавіта такі дыялог, а не «фармальнае дэпутацтва» кааліцыя лічыць «адзінай мэтай свайго ўдзелу ў выбарах 2012 года».
Першачарговай задачай удзельнікі кааліцыі разглядаюць каардынацыю дзеянняў прыхільнікаў розных форм удзелу ў выбарах. «Як прыхільнікі выкарыстання дадзенай законам працэдуры, гэтак і прыхільнікі яе байкоту павінны перайсці ад мовы ўльтыматумаў да мовы дыялогу, таму мы прапаноўваем правесці публічнае абмеркаванне сітуацыі», — падкрэсліваецца ў дэкларацыі.
На думку прадстаўнікоў кааліцыі,
усе формы ўдзелу ў палітычным працэсе на сённяшнім этапе «на тры чвэрці супадаюць». «Нават для паўнацэннай арганізацыі байкоту нам неабходна вылучаць сваіх прадстаўнікоў у выбарчыя камісіі, арганізоўваць назіранне, а калі неабходна, і вылучаць кандыдатаў», — зазначаецца ў дакуменце.
У дэкларацыі ўтрымліваецца патрабаванне неадкладнага вызвалення палітзняволеных.
«Мы будзем заклікаць усіх прадстаўнікоў дэмакратычнай супольнасці Беларусі зняць свае кандыдатуры пасля выкарыстання ўсіх магчымасцяў агітацыйнай кампаніі за тыдзень да пачатку датэрміновага галасавання ў выпадку, калі да гэтага часу ўсе 15 палітзняволеных не будуць вызваленыя або ў краіне з’явяцца новыя палітычныя зняволеныя», — падкрэсліваецца ў дэкларацыі.
Парламенцкія выбары ў Беларусі павінны прайсці не пазней за 25 верасня. Выбарчая кампанія пачнецца ў чэрвені.
* * *
Каардынатар кампаніі «Гавары праўду» Аляксандр Фядута кажа, што «даў падсрачніка, бо Рымашэўскі толькі піярыцца».
«У мяне вельмі напружаныя адносіны з многімі людзьмі, з якімі я маю сустрэчы. Але трэба неяк знаходзіць супольную мову. Рымашэўскі толькі піярыцца, займаецца самапіярам, больш нічога не робіць. Хлопчык не ўмее сябе паводзіць, недастаткова выхаваны чалавек. Ёсць рэчы, якія я не збіраюся дараваць. Думаю, што я здзейсніў мару многіх беларусаў, што цікавяцца палітыкай, — даць выспятка зарэгістраванаму кандыдату ў прэзідэнты», — жартуе Фядута.
Арыштаваны 75‑гадовы Зміцер Санько — ветэран-выдавец3
Каментары