Бялкоўскі: Расіі выгадна, каб рэпутацыя Беларусі была як мага горшай
Эксперты лічаць, што «адэскі» і «мінскі» скандалы — магчымы «чорны піяр» напярэдадні расійскіх прэзідэнцкіх выбараў.
Крамлю з прэзідэнцкімі выбарамі выгадны канфлікт у сяброў. Такое меркаванне выказаў палітолаг, прафесар Каўнаскага ўніверсітэта Вітаўта Вялікага Гінтаўтас Мажэйкіс.
«Калі разглядзець існуючыя ў свеце практыкі, то звычайна перад адным скандалам робіцца іншы скандал.
Расіі надзвычай выгадна мець міжнародны канфлікт зараз у Беларусі на фоне сваіх выбараў. Хаця б часткова гэта заслоніць магчымыя скандалы падчас выбараў 4 сакавіка»,— кажа Гінтаўтас Мажэйкіс.
Як прыклад эксперт узгадвае «адэскіх тэрарыстаў», якія нібыта рыхтавалі замах на кандыдата ў прэзідэнты Уладзіміра Пуціна.
Зараз саспеў час скандала ў «братняй Беларусі».
«Гэты канфлікт менавіта напярэдадні сакавіцкіх выбараў — такія хады часта выкарыстоўваюцца такімі аўтарытарнымі рэжымамі, якія разумеюць механізмы прапаганды. А Расія з’яўляецца краінай з аўтарытарнымі схільнасцямі, але якая выдатна разумее, як дзейнічае прапагандысцкі рэжым», — зазначае Мажэйкіс.
Кіраўнік расійскага Інстытута нацыянальнай стратэгіі Станіслаў Бялкоўскі прызнае, што дыпламатычны скандал выгадны Расіі. Але адмаўляе напісанне яго сцэнара ў Маскве.
«Расія ўвогуле зацікаўленая ў тым, каб на постсавецкай прасторы было як мага больш дзяржаваў з рэпутацыяй горшай, чым у яе самой. Але яна ніяк не інспіруе гэтыя канфлікты.
Для гэтага ў яе няма ні палітычнага, ні дыпламатычнага, ні якога іншага інструментарыя».
І толькі дацэнт кафедры палітычнай тэорыі Маскоўскага дзяржаўнага інстытута міжнародных адносінаў МЗС Расіі Кірыл Коктыш лічыць, што сцэнар канфлікту пісаўся не ў Маскве, а ў Мінску. Як і «адэскі» сцэнар — пісаўся ў Кіеве. «Узровень даверу паміж Масквой і Кіевам, паміж Масквой і Мінскам цалкам выключае верагоднасць таго, што такія рэчы будуць узгодненыя і будуць планавацца з Масквы. Мне падаецца, што і «адэскія шпіёны», якія планавалі тэрарыстычна замах на Пуціна, і «мінская канфрантацыя» — гэта рытуальны гандаль дзеяннямі з боку Мінска і Кіева. Каб неяк засяродзіць увагу Масквы на сабе і падкрэсліць, што «мы з табой, памятай і ў грошах гэта вызнач».
Але Станіслаў Бялкоўскі адхіляе і такі сцэнар. Паводле яго слоў, і Лукашэнка, і Януковіч таемна, але актыўна не любяць Пуціна. І ў іх задача — не спадабацца Пуціну, а знайсці магчымасці ціску на яго. Гэтыя ж скандалы такіх магчымасцяў ім не даюць.
Версія, што «адэскі» і «мінскі» скандалы дырыжаваліся з Масквы мае шмат прыхільнікаў сярод заходніх палітолагаў, прызнаецца кіраўнік цэнтра імя Бертольда Бейтэ Нямецкага савета знешняй палітыкі Аляксандр Рар. Магчымасць таго, што гэта можа апынуцца праўда, прыводзіць эксперта ў жах.
«Мяне гэта прыводзіць у жах! Атрымліваецца тады, што альбо ў нас зусім няма агульнага ўспрымання адзін аднаго, правільнага, адэкватнага. Альбо — набывае моц падазрэнне, што на Усходзе ствараецца аўтарытарны рэжым са старымі метадамі прапаганды. Але тады вельмі хутка Расію, Беларусь і Украіну ператвараюць у
Ён адмаўляецца ў такое верыць. Але не выключае верагоднасці праўдзівасці гэтых версій,
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары