Białkoŭski: Rasii vyhadna, kab reputacyja Biełarusi była jak maha horšaj
Ekśpierty ličać, što «adeski» i «minski» skandały — mahčymy «čorny pijar» napiaredadni rasijskich prezidenckich vybaraŭ.
Kramlu z prezidenckimi vybarami vyhadny kanflikt u siabroŭ. Takoje mierkavańnie vykazaŭ palitołah, prafiesar Kaŭnaskaha ŭniviersiteta Vitaŭta Vialikaha Hintaŭtas Mažejkis.
«Kali razhladzieć isnujučyja ŭ śviecie praktyki, to zvyčajna pierad adnym skandałam robicca inšy skandał.
Rasii nadzvyčaj vyhadna mieć mižnarodny kanflikt zaraz u Biełarusi na fonie svaich vybaraŭ. Chacia b častkova heta zasłonić mahčymyja skandały padčas vybaraŭ 4 sakavika»,— kaža Hintaŭtas Mažejkis.
Jak prykład ekśpiert uzhadvaje «adeskich terarystaŭ», jakija nibyta rychtavali zamach na kandydata ŭ prezidenty Uładzimira Pucina.
Zaraz saśpieŭ čas skandała ŭ «bratniaj Biełarusi».
«Hety kanflikt mienavita napiaredadni sakavickich vybaraŭ — takija chady časta vykarystoŭvajucca takimi aŭtarytarnymi režymami, jakija razumiejuć miechanizmy prapahandy. A Rasija źjaŭlajecca krainaj z aŭtarytarnymi schilnaściami, ale jakaja vydatna razumieje, jak dziejničaje prapahandyscki režym», — zaznačaje Mažejkis.
Kiraŭnik rasijskaha Instytuta nacyjanalnaj stratehii Stanisłaŭ Białkoŭski pryznaje, što dypłamatyčny skandał vyhadny Rasii. Ale admaŭlaje napisańnie jaho scenara ŭ Maskvie.
«Rasija ŭvohule zacikaŭlenaja ŭ tym, kab na postsavieckaj prastory było jak maha bolš dziaržavaŭ z reputacyjaj horšaj, čym u jaje samoj. Ale jana nijak nie inśpiruje hetyja kanflikty.
Dla hetaha ŭ jaje niama ni palityčnaha, ni dypłamatyčnaha, ni jakoha inšaha instrumientaryja».
I tolki dacent kafiedry palityčnaj teoryi Maskoŭskaha dziaržaŭnaha instytuta mižnarodnych adnosinaŭ MZS Rasii Kirył Koktyš ličyć, što scenar kanfliktu pisaŭsia nie ŭ Maskvie, a ŭ Minsku. Jak i «adeski» scenar — pisaŭsia ŭ Kijevie. «Uzrovień davieru pamiž Maskvoj i Kijevam, pamiž Maskvoj i Minskam całkam vyklučaje vierahodnaść taho, što takija rečy buduć uzhodnienyja i buduć płanavacca z Maskvy. Mnie padajecca, što i «adeskija špijony», jakija płanavali terarystyčna zamach na Pucina, i «minskaja kanfrantacyja» — heta rytualny handal dziejańniami z boku Minska i Kijeva. Kab niejak zasiarodzić uvahu Maskvy na sabie i padkreślić, što «my z taboj, pamiataj i ŭ hrošach heta vyznač».
Ale Stanisłaŭ Białkoŭski adchilaje i taki scenar. Pavodle jaho słoŭ, i Łukašenka, i Janukovič tajemna, ale aktyŭna nie lubiać Pucina. I ŭ ich zadača — nie spadabacca Pucinu, a znajści mahčymaści cisku na jaho. Hetyja ž skandały takich mahčymaściaŭ im nie dajuć.
Viersija, što «adeski» i «minski» skandały dyryžavalisia z Maskvy maje šmat prychilnikaŭ siarod zachodnich palitołahaŭ, pryznajecca kiraŭnik centra imia Biertolda Biejte Niamieckaha savieta źniešniaj palityki Alaksandr Rar. Mahčymaść taho, što heta moža apynucca praŭda, pryvodzić ekśpierta ŭ žach.
«Mianie heta pryvodzić u žach! Atrymlivajecca tady, što albo ŭ nas zusim niama ahulnaha ŭsprymańnia adzin adnaho, pravilnaha, adekvatnaha. Albo — nabyvaje moc padazreńnie, što na Uschodzie stvarajecca aŭtarytarny režym sa starymi mietadami prapahandy. Ale tady vielmi chutka Rasiju, Biełaruś i Ukrainu pieratvarajuć u
Jon admaŭlajecca ŭ takoje vieryć. Ale nie vyklučaje vierahodnaści praŭdzivaści hetych viersij,
Kamientary