Каб павялічыць загрузку нафтаперапрацоўчым заводам, неардынарны захад ураду: прыплата давальцам.
Каб павялічыць загрузку нафтаперапрацоўчым заводам, неардынарны захад ураду: прыплата давальцам.
Беларускі ўрад наважыўся на падвышэньне з 1 сакавіка акцызаў на рэалізаваныя на ўнутраным рынку нафтапрадукты. Адпаведны ўказ №117 «Пра ўнясеньне зьменаў ва Ўказ ад 5 сьнежня 2006 г. №716 і некаторых пытаньнях кампэнсацыі кошту імпартаванай вуглевадароднай сыравіны» быў падпісаны 2 сакавіка 2007 г.
Гэтым самым дакумэнтам прадугледжваюцца субсыдыі пастаўшчыкам давальніцкай нафты з 1 лютага бягучага году памерам 24 USD за тону.
Як мяркуюць распрацоўшчыкі дакумэнту, а як патлумачылі ў канцэрне «Белнафтахім», распрацоўкай тэксту ўказу займаліся міністэрства фінансаў і міністэрства эканомікі Беларусі, падвышэньне акцызаў на нутраным рынку і адначасова ўвядзеньне субсыдыі ці кампэнсацыі 24 USD за тону пастаўшчыкам давальніцкай нафты, якія экспартуюць гатовую прадукцыю НПЗ за мяжу, мусіць прывесьці да павелічэньня загрузкі магутнасьцяў беларускіх НПЗ, а павелічэньне экспарту гатовых нафтапрадуктаў — да павелічэньня паступленьня валютнага прыбытку ў бюджэт краіныт.
Нагадаем, што, паводле падпісанага 12 студзеня беларуска‑расейскага міжурадавага пагадненьня на пастаўкі сырое нафты ў Беларусь, было ўведзенае экспартнае мыта 53 USD за тону, а стаўкі экспартных мытаў на нафтапрадукты былі падвышаныя да ўзроўню расейскіх. Для кампэнсацыі ўзрослых выдаткаў пры рэалізацыі нафтапрадуктаў на нутраным рынку былі скасаваныя абаротныя падаткі ды зьніжаны акцыз у 2,5 разы. Аб’ёмы нафты, што пастаўлялася на перапрацоўку ў Беларусь, рэзка скараціліся, што пацягнула за сабой зьніжэньне экспарту нафтапрадуктаў і паступленьня валютнага прыбытку. Беларускія НПЗ сёньня загружаныя ўсяго на 50—60%.
Ці дапамогуць гэтыя кампэнсацыйныя 24 USD за тону зьмяніць сытуацыю на рынку, меркаваньні экспэртаў рынку пакуль разыходзяцца.
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads13
Каментары