Сцвярджаецца, што патрыярх валодае супердарагой кватэрай, у якой прапісаная свецкая жанчына.
Патрыярх Маскоўскі і ўсяе Русі Кірыл трапіў у кватэрны скандал, які скончыўся судом. У працэсе высветліліся некаторыя акалічнасці. Яны прымушаюць задумацца, ці не парушыў Кірыл шэраг зарокаў. Аднак царква называе ўсё гэта спробамі дыскрэдытацыі.
«Залаты» пыл
Падрабязнасці скандалу апісвае партал Расбалт.
Былы міністр аховы здароўя, вядомы расійскі хірург-кардыёлаг (і адначасова праваслаўны святар) Юрый Шаўчэнка набыў у прэстыжным раёне Масквы кватэру. У часе рамонту кватэру патрыярха нібыта пашкодзілі, засыпалі пылам.
У судзе бок пацярпелых ад рамонту прадстаўляла нейкая Лідзія Лявонава, якая, як высветлілася, была прапісаная ў той кватэры. А належыць кватэра... Уладзіміру Міхайлавічу Гундзяеву. А гэта ж свецкае імя патрыярха Кірыла.Суд першай інстанцыі налічыў Шаўчэнку 20 мільёнаў расійскіх рублёў (650 тысяч даляраў) адшкадавання за рамонт. Цяжба працягваецца, але выбухнуў і скандал.
Адкуль грошы?
Кватэра ў так званым «Доме на Набярэжнай» з відам на сабор Хрыста Збаўцы і Крэмль каштуе каля 1,5 мільёна даляраў.У кадастравых ведамасцях пазначана, што кватэра была куплена прыкладна гадоў 8 таму.
За патрыярхам і раней заўважаліі схільнасць да дарагіх рэчаў. У свой час украінскія журналісты сфатаграфавалі ягоны гадзіннік за 30 тысяч еўра.
Хто такая Лявонава?
СМІ спрабуюць зразумець, кім прыходзіцца патрыярху Лідзія Лявонава.Расійская служба радыё «Свабода» прыводзіць словы галоўнага рэдактара незалежнага сеткавага рэсурсу Портал-Credo.Ru Аляксандра Салдатава, што гэта не сястра патрыярха.
Часопіс «Огонёк» адкапаў, што Лідзія Міхайлаўна Лявонава была дачкой кухара Ленінградскага абкама КПСС і што іх з мітрапалітам, будучым патрыярхам, адносіны звязваюць іх 30 гадоў.
Калі ў 1969 годзе Уладзімір Гундзяеў прыняў манаскі пострыг, ён атрымаў імя Кірыл і даў чатыры зарокі: паслушэнства, бясшлюбнасці, адмовы ад асабістай уласнасці і няспыннай малітвы. Цяпер журналісты пытаюцца, ці не парушае патрыярх Кірыл некаторыя з гэтых зарокаў?
Афіцыйна
Кіраўнік прэс-службы Маскоўскага патрыярхату Уладзімір Вігілянскі лічыць, што пытанні аб кватэры патрыярха Маскоўскага і ўсяе Русі Кірыла неэтычныя, бо закранаюць ягонае прыватнае жыццё. А
кіраўнік Сінадальнага Інфармацыйнага аддзела Уладзімір Лягойда назваў гэтую інфармацыю «чарговым прыкладам брудных піяр-тэхналогій».Патрыярх Кірыл не мае дачынення да судовай спрэчкі вакол кватэры ў «Доме на набярэжнай», заявіў Лягойда.
-
На магіле Вячкі Станкевіча на помніку — ні слова па-беларуску. Вось пра што гэта кажа наконт эмігрантаў, эміграцыі і «беларускасці ўнукаў»
-
Львоўскі: У Беларусі нацыянальнае свята — гэта рыцарскія турніры, у Расіі — сарафаны і карагоды
-
Прарыў мараканцаў у Сеуту: што гэта было? Ці магла гэта быць тонкая помста Вашынгтона Мадрыду? І ці адаб’ецца на легалізацыі беларусаў?
Цяпер чытаюць
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары