Домрачава: Я абараняю колеры чырвона-зялёнага сцяга + фота
Праблемы з патронамі для зборнай усё яшчэ не вырашыліся.
Пасля доўгага і ўдалага сезона біятланістка Дар’я Домрачава вярнулася ў Беларусь. За яе плячыма два медалі першынства света, другое месца ў агульным заліку Кубка света, а таксама два малых «Крыштальных глобусы» за перамогі ў мас-старце і пагоні.
Мініятурная Дар’я ззяла ва ўсмешцы. У руках яна несла абодва «глобусы». Белая блузка і пальчаткі, чорная спадніца, завушніцы з каменьчыкам. Стомы пасля доўгага сезона не адчуваецца, хаця яна, вядома, ёсць. Потым спартсменка прызнаецца, што марыць аб адпачынку.
Гаварыць самой Дар’і не надта хочацца. Пару фразаў: «Дзякуй за падтрымку». І прапануе задаваць пытанні.
Немка Магдалена Нойнер у гэтым сезоне ўсё ж апярэдзіла Дар’ю ў агульным заліку. «Ніякі чарвячок не точыць. Наперадзе яшчэ сезон. Прагрэс заўважны».
І ўсё ж, чаму Нойнер засталася непераможанай, у чым плюсы Лены. Дар’я доўга думае над пытаннем. «З Нойнер прыемна супернічаць і змагацца. Дзе яна выйграла гэтыя 28 пунктаў трэба глядзець».
Калі ўжо сканчваць тэму суперніцы, то сёлета Нойнер развіталася з біятлонам. «Кавы з ёй так і не выпілі. Але Лена паабяцала, што будзе ў наступным сезоне наведваць гонкі. Будзе без нас сумаваць, як і мы без яе».
«Шалёнай радасці, што яна сыходзіць у мяне няма. Думаю, наша змаганне прыносіла шмат задавальненне балельшчыкам», — кажа Домрачава.Другое пытанне, якое хвалявала многіх, што будзе ў наступным сезоне з патронамі для спартсменаў, што трапілі пад эмбарга Еўрасаюза. Нямецкае прадстаўніцтва фінскай кампаніі Lapua не атрымала дазволу выканаць замову.
Сама спартсменка адказваць на гэта не адважылася, пераадрасаўшы трэнеру Адрыяну Цыбульскаму.
«Сітуацыя няпроста. Шмат праблем нам даставіла. Яна яшчэ не вырашаная, але спадзяюся хутка вырашыцца. Не магу пакуль сказаць, якія гэта будуць патроны, расійскія ці нейкія яшчэ».
Сёння гонар беларускага спорта — гэта ў першую чаргу Домрачава і тэністка Азаранка. Не абышлося без пытання, ці знаёмыя яны.
«Большую частку года мы праводзім на экранах тэлевізараў, — аджартавалася Даша. — З Вікай мы бачыліся толькі аднойчы, на балі прэзідэнта. Яна прыемная дзяўчына. Балеем за яе, ганарымся».
Трэнер расійскай зборнай немец Вольфганг Піхлер у ходзе сезона абвінаваціў Домрачаву ў прымяненні допінга. «Крыўды няма на Піхлера. Такія словы выклікаюць шкадобу. Вядома, што ў Піхлера ёсць праблемы ў працы. Пасля падобнай заявы я хацела паглядзець яму ў твар, але ён сказаў, што гэта памылкі прэсы».
Адказ на пытанне «НН», што адчувае Дар’я, калі бачыць на трыбунах
«Заўсёды прыемна адчуваць падтрымку. Я абараняю колеры
«Я не адчуваю зменаў у стаўленні да мяне, — кажа Даша пра рэакцыі на яе поспехі з боку біятлоннай тусоўкі. — Я бачу, што многія спецыялісты ставяць маю лыжную тэхніку ў прыклад».
Напрыканцы Домрачава прызналася, што марыць паспрабаваць сябе ў лыжных гонках. Прыклад Торы Бергер для яе з’яўляецца натхняльным. Але наўрад тут гаворка пра пераход у лыжы. Хутчэй, узяць удзел у некалькіх гонках.
Калі ўжо пытанні скончыліся слова папрасіў сталы мужчына, які прызнаўся Дар’і ў каханні. Казаў, што моліцца за яе поспехі, а трэнерам параіў падсцілаць кілімчыкі на фінішах, каб біятланістка не падала ў снег.
Каментары