прыняць і ратыфікаваць Міжнародную канвенцыю для абароны ад гвалтоўных знікненняў.
Удава зніклага журналіста Змітра Завадскага Святлана Завадская звярнулася ў Савет міністраў. Яна прапануе прыняць і ратыфікаваць Міжнародную канвенцыю для абароны ад гвалтоўных знікненняў, прынятую ў снежні 2006 года. Разам з ёй зварот падпісалі Сяржук Бахун і Раман Кісляк.
26 сакавіка 2012 года пачала працу другая сесія Камітэту ААН па гвалтоўным знікненням, тым часам Беларусь дагэтуль не падпісала і не ратыфікавала Канвенцыю, адзначаецца ў звароце.
Падпісанты звароту падкрэсліваюць, што прытрымліваюцца меркавання тых, хто лічыць, што Канвенцыя дзяржавы падпісваюцца не таму, што ў іх пытанне знікненняў актуальнае або неактуальнае, а таму, што гэтыя дзяржавы, як цывілізаваныя нацыі асуджаюць такую практыку ў прынцыпе, дзе б гэта не адбывалася.
Аўтары звароту просяць даручыць міністру замежных спраў падпісаць Міжнародную канвенцыю для абароны ад гвалтоўных знікненняў і ўнесці ў парламент законапраект па яе ратыфікацыі.
Праваабаронцы адзначаюць, што праблема гвалтоўных знікненняў для Беларусі актуальная. У 1999 годзе ў краіне зніклі экс-міністр унутраных спраў Юрый Захаранка, віцэ-спікер Вярхоўнага Савета XIII склікання Віктар Ганчар, а таксама прадпрымальнік Анатоль Красоўскі. У 2000 годзе бясследна знік журналіст Дзмітрый Завадскі.
У разгар палітычных кампаній актывістаў апазіцыі неаднойчы затрымлівалі асобы ў цывільным і вывозілі за межы горада.
Цяпер чытаюць
За мінулы год насельніцтва Беларусі скарацілася яшчэ на 53 тысячы чалавек5
За мінулы год насельніцтва Беларусі скарацілася яшчэ на 53 тысячы чалавек
«Трэба сесці і размаўляць. Калі не атрымліваецца — устаць і пайсці». Коўл заявіў пра неабходнасць дыялогу паміж Беларуссю і Літвой на ўзроўні міністраў замежных спраў1919
Каментары