Аляксандра Дзенісеня выйшла ў фінал конкурса маладых музыкантаў «Еўрабачанне-2012» (Eurovision Young Musicians).
Трансляцыя конкурса адбудзецца 11 мая.
У Вену, дзе пройдзе фінал, Аляксандра паехала разам з бацькамі і кампазітарам Уладзімірам Кур’янам. Яго твор «Канцэртына для цымбалаў, струннага аркестра і ўдарных інструмэнтаў» яна і будзе выконваць.
Педагог Аляксандры, прафесар Акадэміі музыкі Тацьцяна Сяргеенка паехаць з вучаніцай не змагла, бо ляжыць у шпіталі. Кажа, што паездку на конкурс аплаціла дзяржава, але канцэртны строй — шытую на замову сукенку, туфлі — рыхтавалі самі.
Сяргеенка вельмі перажывае, што ў Вене няма нармальных умоваў для рэпэтыцый. Галоўнай несправядлівасцю яна лічыць парадак выступоўцаў: «Яе без тлумачэння паставілі граць першай з сямі.
Гэта самы нявыйгрышны нумар. Усе забудуцца на першага. А паводле лёсавання яна была шостай, перадапошняй.Што хочуць, тое і робяць. А свайго аўстрыйскага скрыпача паставілі сёмым. Цягнуць сваіх! Невыноснае стаўленне да нашых, невыноснае! — кажа Сяргеенка са слязьмі ў голасе. — Я ёй туды тэлефаную за свае грошы. Настройваю яе, каб яна жорстка гаварыла з аркестрам. Яна ангельскай мовай выдатна валодае. Стаіць метраном 156 — грайце ў гэтым тэмпе».
У фінале, апроч беларускі, выступяць маладыя музыканты з Арменіі, Аўстрыі, Чэхіі, Нямеччыны, Нарвегіі і Польшчы.
Аляксандра Дзенісеня нарадзілася ў 1994 годзе. Яе мама —
І сам факт яе выхаду ў фінал з такім інструментам — цымбалы, які ўсё ж не класічны, а народны, — дэманструе акадэмічны статус гэтага інструмента».
Па словах Андрэя Калядзіча, на цымбалах выконваецца вельмі складаны рэпэртуар. Але
тое, што ў фінале класічнага Еўрабачання будзе выконвацца музыка сучаснага беларускага кампазітара, — гэта сур’ёзнае прадстаўленне нацыянальнага мастацтва на еўрапейскім узроўні.
Таццяна Сяргеенка кажа пра сваю вучаніцу як пра бліскучую выканаўцу. Яна ня раз атрымлівала стыпендыі фонду прэзідэнта Беларусі, удзельнічала ў рэспубліканскіх і міжнародных конкурсах, рабілася іх лаўрэаткай. Выступала на адной сцэне з Уладзімірам Співаковым, Максімам Венгеравым, Мікалаем Пятровым, Яўгенам Бушковым.
У конкурсе Eurovision Young Musicians могуць удзельнічаць музыкі, якім яшчэ не споўнілася 19 гадоў, таму для Дзенісені — гэта апошняя магчымасць. Граць можна на любым інструменце, але выконваюцца толькі творы для саліста з аркестрам. Таццяна Сяргеенка кажа, што для «Канцэртына», якое выконвае Дзенісеня, у аркестры не знайшлося гонгу. «Я кажу ім: раз няма ў вас гонгу, стаўце тамтам з шостай сімфоніі Чайкоўскага! Патрабуйце ўсе інструменты!
Аркестр ёй пляскаў на першай рэпэтыцыі. Але, ізноў жа, з аўстрыйскім выканаўцам яны рэпэтуюць гадзіну, а з ёю — 10 хвілінаў!»
Аляксандра Дзенісеня ўжо другі раз прадстаўляе Беларусь на Eurovision Young Musicians. У 2010 годзе разам з ёю ўдзельнічаў віялянчэліст Іван Карызна, які тады трапіў у фінал і заняў 4 месца. На наступны год Карызна стаў лаўрэатам міжнароднага конкурса Чайкоўскага ў Маскве. Цяпер ён вучыцца ў Парыжы ў Нацыянальнай кансерваторыі.
Па словах Таццяны Сяргеенкі, Аляксандру, якая ў гэтым годзе сканчае музычны каледж, прыме любая кансерваторыя свету.
Адразу пасля выступу ў Вене яна мае граць у Брэсце на конкурсе імя Жыновіча. Удалы выступ на падзеі рэспубліканскага маштабу дасць маладой цымбалістцы магчымасць без іспытаў паступіць у Беларускую акадэмію музыкі і атрымаць два мільёны рублёў.Удзел у Eurovision Young Musicians ніякіх фінансавых выгодаў для выканаўцы ня нясе.
Каментары