Лідар Беларускага прафсаюза работнікаў радыёэлектроннай прамысловасці Генадзь Фядыніч, старшыня мінскай гарадской арганізацыі Ігар Комлік і рэдактар прафсаюзнага сайта Praca-by.info Наталля Верашчагіна 25 мая ўвечары па дарозе з Вільні дахаты былі знятыя з цягніка на беларуска-літоўскай мяжы. Канфіскаваныя ноўтбук, флэшка, асабістыя грошы.
Інцыдэнт адбыўся каля 20:15 на памежным пераходзе «Гудагай». Прафсаюзныя лідары і журналіст вярталіся з Вільні, дзе на працягу дня ў іх праходзіла сустрэча з калегамі -- прадстаўнікамі літоўскага прафсаюзнага руху.
- На станцыі «Гудагай» памежнік, праверыўшы ў камп'ютары нашы пашпарты, адразу выклікаў старшага змены, -- распавяла Наталля Верашчагіна. - Маёр, прыхапіўшы нашы дакументы, знік на 10 хвілін, пасля чаго вярнуўся і папрасіў нас сысці з цягніка. Мы запатрабавалі тлумачэнняў, на што было сказана, што ён дзейнічае «у адпаведнасці з Законам». На наша пытанне, якім менавіта заканадаўствам і які артыкулам, - адказу не пачулі.
Пасля таго як Фядынічу, Комліку і Верашчагінай прыгразілі штрафам «у швейцарскіх франках за прастой цягніка», тыя яго пакінулі.
У ходзе праверкі рэчаў прафсаюзных актывістаў нічога супрацьзаконнага выяўлена не было. У выніку Фядыніч, Комлік і Верашчагін быў выдадзены акт мытнага дагляду аб тым, што «тавараў забароненых і абмежаваных да перавозкі не выяўлена». Далей была зпрацэдура асабістага дагляду з распрананнем, ужо пасля чаго былі канфіскаваныя ў Верашчагінай -- ноўтбук, флэшка, асабістыя грошы, Фядыніча і Комліка -- асабістыя грошы.
Паводле звестак на 22,50, складаўся пратакол канфіскацыі.
«Ліпа ва ўсіх сэнсах». Вось як будуць выглядаць дрэвы ў вазонах на галоўным мінскім праспекце. Блогеры атрымалі заданне імі захапляцца10
Каментары