Паводле інфармацыі Міністэрства замежных справаў Беларусі, 10 грамадзянаў Беларусі, а таксама целы беларускіх лётчыкаў, што загінулі пры катастрофе самалёта «Іл‑76» 23 сакавіка, адпраўленыя з Самалі.
Паводле інфармацыі Міністэрства замежных справаў Беларусі, 10 грамадзянаў Беларусі, а таксама целы беларускіх лётчыкаў, што загінулі пры катастрофе самалёта «Іл‑76» 23 сакавіка, адпраўленыя з Самалі.
Як паведамляецца, сьпярша ў выніку супольнай апэрацыі вайскоўцаў Самалі, Этыёпіі і Ўганды беларускія грамадзяне і целы загінулых пад канвоем міратворчага кантынгенту Афрыканскага зьвязу былі дастаўленыя на лётнішча вайсковай базы ў Балідаагле — за 100 кілямэтраў ад сталіцы Самалі Магадышу. Адтуль самалётам расейскай кампаніі «Кантынэнтальныя авіялініі» а 20.50 паводле менскага часу яны вылецелі ў кірунку Аб’яднаных Арабскіх Эміратаў.
Паводле інфармацыі МЗС Беларусі, на цяперашні час самалёт набраў дастатковую вышыню і выйшаў зь небясьпечнага калідору. Прыбыцьцё самалёта ў эмірат Фуджэйра (ААЭ) чакаецца блізка 4.00 па менскім часе.
Згодна з папярэдняй інфармацыяй, стан эвакуаваных грамадзянаў Беларусі здавальняючы. З Аб’яднаных Арабскіх Эміратаў яны будуць дастаўленыя ў Беларусь чартэрным рэйсам авіякампаніі «Гомельавія».
Каментары