Старшыню Следчага камітэта «не задавальняе праца па прафілактыцы злачынстваў»
Старшыню Следчага камітэта Беларусі Валерыя Вакульчыка «катэгарычна не задавальняе праца следчых па прафілактыцы злачынстваў, выяўленні прычын і ўмоў іх учынення».Пра гэта ён заявіў журналістам 27 ліпеня перад пачаткам працы калегіі ведамства, на якой будзе абмяркоўвацца гэтае пытанне.
«Гэта задача стаяла і раней, але больш увагі следчыя надавалі непасрэдна расследаванню, забеспячэнню неабходнасці пакарання, — сказаў Вакульчык.— Але галоўнае — гэта прадухіліць злачынства, мы бачым, што сітуацыю можам выправіць». Таму, паводле яго слоў, стаіць задача да канца года кардынальна змяніць працу следчых па выяўленні прычын і ўмоў учынення злачынстваў.
Наогул, як адзначыў Вакульчык, «следства ў Беларусі заняло годнае месца ў сістэме праваахоўных органаў і выконвае свае абавязкі ў поўным аб’ёме». Ён таксама лічыць, што рэформа, звязаная са стварэннем Следчага камітэта, пазітыўна паўплывала на эфектыўнасць працы органаў сістэмы нацыянальнай бяспекі, і ў першую чаргу праваахоўных органаў. Паводле слоў старшыні СК, гэта відаць з павышэння якасці працы аператыўных падраздзяленняў МУС, паляпшэння якасці матэрыялаў, якія паступаюць у СК, павышэння патрабаванняў пракуратуры. «Гэта пазітыўна ўплывае як на працу следчага камітэта ў цэлым, так і кожнага следчага паасобку», — сказаў ён.
Прапагандысты запэўніваюць, што 196 палітвязняў ужо на свабодзе9
Каментары