Staršyniu Śledčaha kamiteta «nie zadavalniaje praca pa prafiłaktycy złačynstvaŭ»
Staršyniu Śledčaha kamiteta Biełarusi Valeryja Vakulčyka «kateharyčna nie zadavalniaje praca śledčych pa prafiłaktycy złačynstvaŭ, vyjaŭleńni pryčyn i ŭmoŭ ich učynieńnia».Pra heta jon zajaviŭ žurnalistam 27 lipienia pierad pačatkam pracy kalehii viedamstva, na jakoj budzie abmiarkoŭvacca hetaje pytańnie.
«Heta zadača stajała i raniej, ale bolš uvahi śledčyja nadavali niepasredna rasśledavańniu, zabieśpiačeńniu nieabchodnaści pakarańnia, — skazaŭ Vakulčyk.— Ale hałoŭnaje — heta praduchilić złačynstva, my bačym, što situacyju možam vypravić». Tamu, pavodle jaho słoŭ, staić zadača da kanca hoda kardynalna źmianić pracu śledčych pa vyjaŭleńni pryčyn i ŭmoŭ učynieńnia złačynstvaŭ.
Naohuł, jak adznačyŭ Vakulčyk, «śledstva ŭ Biełarusi zaniało hodnaje miesca ŭ sistemie pravaachoŭnych orhanaŭ i vykonvaje svaje abaviazki ŭ poŭnym abjomie». Jon taksama ličyć, što reforma, źviazanaja sa stvareńniem Śledčaha kamiteta, pazityŭna paŭpłyvała na efiektyŭnaść pracy orhanaŭ sistemy nacyjanalnaj biaśpieki, i ŭ pieršuju čarhu pravaachoŭnych orhanaŭ. Pavodle słoŭ staršyni SK, heta vidać z pavyšeńnia jakaści pracy apieratyŭnych padraździaleńniaŭ MUS, palapšeńnia jakaści materyjałaŭ, jakija pastupajuć u SK, pavyšeńnia patrabavańniaŭ prakuratury. «Heta pazityŭna ŭpłyvaje jak na pracu śledčaha kamiteta ŭ cełym, tak i kožnaha śledčaha paasobku», — skazaŭ jon.
Ciapier čytajuć
Byłoha supracoŭnika kontrraźviedki KDB aryštavali za zdradu dziaržavie9
Kamientary