За паведамленне аб планаваным узрыве чыгуначнага вакзала ў Мінску затрыманы мясцовы жыхар 1985 года нараджэння, які знаходзіўся ў стане алкагольнага ап’янення.Ён не працуе, раней судзімы за крадзяжы і рабаванні, паведамілі ў праваахоўных органах.
Па гэтым факце праводзіцца праверка. Верагодней за ўсё, у дачыненні да затрыманага будзе распачата справа за заведама непраўдзівае паведамленне аб небяспецы (арт. 340 КК).
Нагадаем, 1 жніўня каля 20.15 у міліцыю патэлефанаваў невядомы і расказаў, што яго таварыш збіраецца ўзарваць вакзал. Нібыта выбуховая прылада можа быць закладзена на трэцім паверсе будынка.
Усяго з трэцяга і чацвёртага паверхаў было эвакуявана каля 170 пасажыраў і работнікаў вакзала, затрымкі ў руху цягнікоў не было.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары