Як паведамілі ва ўпраўленні ДАІ МУС Беларусі, 4 жніўня ў 23.15 32-гадовы мясцовы жыхар, кіруючы аўтамашынай "Фольксваген-Пасат", наехаў на 14-гадовую дзяўчынку, якая пераходзіла праезную частку па нерэгуляваным пешаходным пераходзе.Дзяўчынка ад атрыманых траўм памерла на месцы здарэння. Кіроўца з месца здарэння ўцёк, але ўжо праз некалькі хвілін быў затрыманы.
Паводле звестак МУС, 5 жніўня ў вёсцы Рыкуны Мёрскага раёна Віцебскай вобласці ў 17.00 жыхар вёскі Дрыгучы 1975 года нараджэння, кіруючы трактарам, наехаў на хлопчыка 2003 года нараджэння, мясцовага жыхара, які загінуў.
Паблізу вёскі Заходы Шклоўскага раёна 4 жніўня ў 06.55 непрацуючы жыхар Быхава 1970 года нараджэння, кіруючы "Аўдзі", сутыкнуўся з аўтамашынай "Жыгулі", якая рухалася ў спадарожным напрамку і якой кіраваў жыхар Горак 1952 года нараджэння. Машына "Жыгулі" з'ехала ў кювет і перакулілася, у выніку чаго вадзіцель загінуў, а яго ўнук 2007 года нараджэння, жыхар Горак, змешчаны ў бальніцу.
Паводле інфармацыі УДАІ МУС, за мінулую пятніцу і выхадныя дні на дарогах краіны зарэгістравана 771 ДТЗ з матэрыяльным уронам. Учынена 58 ДТЗ, у якіх 10 чалавек загінулі, 61 атрымаў раненні. Сярод тых, хто атрымаў у ДТЗ смяротныя траўмы, — шэсць пешаходаў, адзін веласіпедыст, два кіроўцы і пасажыр.
За кіраванне транспартнымі сродкамі ў стане ап'янення затрыманы 542 кіроўцы. За перавышэнне хуткасных рэжымаў руху аштрафавана 5.608 вадзіцеляў. 1.546 пешаходаў прыцягнута да адказнасці за парушэнне правіл дарожнага руху, з іх 345 за адсутнасць святлоадбіўных элементаў у цёмны час сутак. Праігнаравалі абавязковае выкарыстанне рамянёў бяспекі 1.503 вадзіцелі і пасажыры.
Цяпер чытаюць
Ананімы — гісторыі беларусаў, якім прыходзіцца шыфравацца, бо рэжым лічыць іх дзейнасць «крыміналам»10
Каментары