“Белжаба” не здаецца
Стваральнік гумарыстычнага інтэрнэт-праекту "Беларуская жаба" Майк кажа, што праца над ім — сродак зьняцьця стрэсу: “Намалюеш колькі “жабаў” пасьля працы — адразу спакайнееш”.
Стваральнік гумарыстычнага інтэрнэт-праекту "Беларуская жаба" Майк кажа, што праца над ім — сродак зьняцьця стрэсу: “Намалюеш колькі “жабаў” пасьля працы — адразу спакайнееш”.
Ягоны сайт ёсьць лідэрам па наведвальнасьці ў разьдзеле “Гумар” лічыльніка “Акавіта”. Жарты зь “Белжабы” адразу ж становяцца гітамі інтэрнэтаўскай субкультуры. Апошні гіт — “Галасуем за інтэлект!”: чалавек, падобны на цяперашняга прэзыдэнта, адклаўшы фаліянт “В.Быкаў. Вершы”, задумліва схіліўся над кнігай мэмуараў “Ф.Скарына. Мой Піцер”.
Асноўная тэма для “фотазьдзекаў” — гульня са слоганам “За Беларусь”. На гэты конт на “Белжабе” можна знайсьці дзясяткі малюнкаў: ад ляканічнага “ЗАдрал” да трапнага “За таго, хто плоціць” з выяваю ўдзельнікаў агітканцэртаў.
Сьпярша Майк ствараў каляжы самастойна, але потым заняўся зборам малюнкаў у інтэрнэце. Цяпер сайт называюць “жабасховішчам” — чым бліжэй да выбараў, тым часьцей даводзіцца аднаўляцца. “Шкада, што праект занадта палітызаваны. Хацелася б ствараць жабы і на іншыя тэмы, — прызнаецца Майк. — Але я разумею, што гэта рэакцыя людзей на тую колькасьць ідэалягічнай бязглузьдзіцы, якая выліваецца дзяржавай”. Таму Майк пакуль пазыцыянуе праект як “хуліганскі спосаб пратэсту супраць абалваньваньня насельніцтва”. Кажа, калі ў краіне ўсё зьменіцца да лепшага — адразу памяняе гідкі чырвона-зялёны дызайн сайту. “Пры зьмене ўлады “Жаба” толькі выйграе — тады зьявіцца разнастайнасьць сярод герояў. Пакуль жа дамінуе толькі адзін”.
Малюнкі з праекту “Белжаба” увойдуць ў CD-праект, які рыхтуе грамадзкая ініцыятыва “Трэці шлях” разам зь песьнямі праекту “UltraВожык” і флэш-мультфільмамі Алега Мініча.
❏
Самыя папулярныя малюнкі тут і тут.
Каментары