21 жніўня Алена Каваленка накіравала заявы адразу на два адрасы: начальніку калоніі № 19 і ў магілёўскую пракуратуру. Алена патрабуе разабрацца з законнасцю дзеянняў турэмшчыкаў у дачыненні да яе мужа.
«Напісала начальніку калоніі і ў Магілёўскую пракуратуру. За што яго зноў пакаралі карцарам, ці былі гэтыя дзеянні законнымі і чаму ад мяне хаваюць інфармацыю пра стан здароўя мужа, які пасля карцару трапіў у медыцынскую частку? Мне вядома, што яго трымалі ў адзіночцы. Што там за ўмовы, калі людзі пасля карцару трапляюць да лекараў?»
Сяргей Каваленка быў пакараны карцарам адразу пасля заканчэння доўгатэрміновага спаткання з жонкай і дзецьмі ў канцы ліпеня. Спачатку вязню далі 9 сутак карцару, потым дадалі яшчэ 7. Пра прычыны пакарання Алена Каваленка не ведае, але мяркуе, што мужу маглі адпомсціць за той розгалас, які атрымала іх сустрэча ў калоніі.
***
- Сяргей Каваленка асуджаны на два гады і месяц зняволення за парушэнне парадку адбывання хатняй хіміі пасля вывешвання бел-чырвона-белага сцяга на навагодняй елцы ў Віцебску. Адбывае пакаранне ў папраўчай калоніі № 19 Магілёва. Раней паведамлялася, што ён напісаў просьбу аб вызваленні.
Цяпер чытаюць
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе22
Каментары