У Менск прыяжджае рок‑гурт 4FUN, пераможца літоўскага нацыянальнага конкурсу Эўрабачаньня.
Рок‑гурт 4FUN пачаў выступаць пад гэтай назвай у 2001 годзе, хаця сцэнічны вопыт сьпявачкі і лідэркі гурту Юліі Рытчык — амаль 13 гадоў. Гурт выступае ў клюбах жывой музыкі і на розных музычных фэстывалях ў Літве і суседніх зь ёй дзяржавах.
У рэпэртуары гурту разнастайная паводле стылю музыка — ад рок‑н‑ролу да дыска. У Юліі Рытчык дзьве вышэйшыя адукацыі — праграмістка і выкладчыца ангельскай мовы. Яна ўжо 11 гадоў працуе настаўніцай ангельскай мовы ў сярэдняй школе.
Сёлета 4FUN ўдзельнічаў ў нацыянальным літоўскім адборы на конкурс Эўрабачаньня ўжо трэці раз. Хаця ў Літве гурт вядомы больш аматарам жывой, чым прыхільнікам поп‑музыкі, прапанаваная лірычная баляда «Love or Leave» («Кахай альбо сыходзь», музыка і тэкст Ю. Рытчык) заваявала большасьць сымпатый як сяброў прафэсійнага журы, так і тэлегледачоў.
Унікальнае ў Літве прозьвішча Рытчык дасталася Юліі ад першага мужа Дзьмітрыя Рытчыка, дзед якога быў беларусам.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары