Суд Мілана прызнаў былога прэм’ер-міністра Італіі Сільвіа Берлусконі вінаватым па справе аб фінансавых махінацыях у медыякампаніі Mediaset і прысудзіў яго да чатырох гадоў турмы. З улікам амністыі 2006 г. тэрмін скарацілі да аднаго года. Берлусконі мае права двойчы аспрэчыць прысуд, на час разгляду судом апеляцыі палітык будзе заставацца на волі.
У судзе патлумачылі, што рашэнне [скарачэнне тэрміну да аднаго года] было прынята ў адпаведнасці з законам аб амністыі ад 2006 года, прысвечаным Яну Паўлу II. Закон прадугледжвае скарачэнне тэрміну зняволення максімум на тры гады і закліканы засцерагчы турмы Італіі ад перапаўнення.
Суд таксама прадпісаў Берлусконі выплаціць 10 млн еўра (13 млн даляраў) кампенсацыі падатковым органам. Акрамя таго, Берлусконі таксама забаранілі займаць дзяржаўныя пасады на працягу трох гадоў.
Пракуроры прасілі прысудзіць
Акцыі найбуйнейшага ў Італіі аператара камерцыйнага тэлевяшчання кампаніі Mediaset, якая належыць Берлусконі, упалі на 3% пасля абвяшчэння прысуду.
Італьянскі палітык і іншыя
топ-менеджары Mediaset абвінавачваліся ў падатковых махінацыях пры куплі правоў на вяшчанне амерыканскіх фільмаў для тэлекампаніі.
Як вынікае з матэрыялаў справы, Берлусконі і іншыя падсудныя набывалі правы на трансляцыю праз афшорныя кампаніі па завышаных цэнах, а затым «лішнія» грошы трацілі на палітычныя і іншыя патрэбы, не плацячы падаткаў.
Усяго па справе аб махінацыях у Mediaset праходзіла 11 чалавек.
Сам Берлусконі настойваў на сваёй невінаватасці, адкідаючы ўсе абвінавачванні.
У Мілане працягваецца другі судовы працэс з удзелам Берлусконі, якога абвінавачваюць у інтымнай сувязі з непаўналетняй прастытуткай з Марока Карыма Эль Махруг.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?2
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1919
Каментары