Кажуць — «пажартавалі».
Заводскае РУУС Мінска праводзіць праверку па факце «мініравання» сэрвіснага цэнтра аднаго з мабільных аператараў.
Як паведамілі ў ГУУС Мінгарвыканкама,
10 лістапада ў 13.50 у міліцыю паступіла паведамленне ад работніка адной з кампаній сотавай сувязі аб тым, што ў сэрвісны цэнтр па вуліцы Іскаліева патэлефанаваў невядомы і паведаміў, што будынак замініраваны.
Па трывожнай інфармацыі на месца неадкладна прыбылі супрацоўнікі міліцыі, ратавальнікі і група размініравання.
З будынка былі эвакуяваныя 49 чалавек, спецыялісты абследавалі тэрыторыю, выбуховых прылад знойдзена не было.
Асобы «мінёраў» былі высветленыя ў гэты ж дзень.
Гэта два браты, якія пражываюць у Гомельскім раёне, старэйшаму з іх 14 гадоў, малодшаму — 9.Высветлілася, што спачатку яны патэлефанавалі ў сэрвісны цэнтр даведацца аб умовах падключэння да інтэрнэту, а ў канцы размовы, як самі прызналіся, жартам сказалі, што будынак замініраваны.
Прававая ацэнка дзеянням гомельскіх школьнікаў пакуль канчаткова не дадзена. Праваахоўныя органы маюць шэраг прэтэнзій і да бацькоў падлеткаў.
Цяпер чытаюць
Пастпрад Беларусі ў ААН сустрэнецца з Коўлам і перадасць яму пасланне ад Лукашэнкі3
Пастпрад Беларусі ў ААН сустрэнецца з Коўлам і перадасць яму пасланне ад Лукашэнкі
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было55
Каментары