16 лістапада на сядзібе ТБМ адбылася прэзентацыя календароў, выдадзеных арганізацыяй цягам 2012 года.
У імпрэзе ўзяў удзел дызайнер Ігар Марачкін, аўтар згаданых календароў.
Да мерапрыемства была аформленая насценная экспазіцыя, у якую ўвайшлі ўзоры календароў розных гадоў і рознага фармату. Азнаёміцца з экспазіцыяй зможа любы ахвотны да канца года.
Варта зазначыць, што падчас распрацоўкі сюжэтаў былі скарыстаныя працы вядомых беларускіх мастакоў Аляксея Марачкіна і Уладзіміра Басалыгі. Акрамя насценных календароў прэзентаваліся кішэнныя, настольныя і перакідныя календары. Апошнія вось ужо тры гады выпускае Гродзенская абласная арганізацыя ТБМ. Ініцыятар задумы і распрацоўшчык гэтых унікальных календароў — кіраўнік ТБМ Гродзеншчыны Аляксей Пяткевіч.
У падарунак кожны з прысутных атрымаў каляндар на 2013 год.
Каментары