Паведамляе радыё «Свабода»: Нягледзячы на выходны дзень, Леаніду Гаравому, сябру ініцыятыўнай групы Мілінкевіча на Віцебшчыне, было загадана зьявіцца ў Гарадоцкі раённы суд паводле факту ягонага ўчорашняга затрыманьня.
Яшчэ адна адметнасьць сёньняшняга судовага працэсу ў тым, што спадар Гаравы ёсьць дэпутатам райсавету, і санкцыю на прыцягненьне яго да адміністрацыйнае адказнасьці мусіў даваць раённы пракурор.
Леаніда Гаравога вінавацяць у тым, што ён замінаў працы выбарчай камісіі на Баграмянаўскім выбарчым участку, дзе ён акрэдатаваны назіральнікам і адкуль яго ўчора забраў нарад міліцыі.
У заяве, якую напісала старшыня выбарчай камісіі спадарыня Палянічка, гаворыцца пра тое, што назіральнік Гаравы, нягедзячы на ейныя заўвагі, вольна хадзіў па выбарчым участку, без дазволу падыходзіў да скрыні зь бюлетэнямі, а таксама несанкцыянавана вёў аўдыё і відэазапіс працэсу выбараў.
Леанід Гаравы з абвінавачаньнем ня згодны. Ён мяркуе давесьці, што нікіх парушэньняў заканадаўства зь ягонага боку не было.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты10
Каментары