Птушкамі лёгка маніпуляваць з дапамогай мэтадаў, якія прымяняюцца ў супэрмаркетах.
Правільнае разьмяшчэньне прадуктаў у крамах лічыцца сапраўднай навукай. Адна з тактыкаў, якія там выкарыстоўваеюцца, — разьмяшчэньне кідкага «спакусьлівага» прадукту проста побач з тымі рэчамі, якія трэба прадаць. Такім чынам падвышаецца прыцягальнасьць патрэбнага брэнду, і ўзровень продажаў падвышаецца.
Каманда дасьледчыкаў з унівэрсытэту Ньюкаслу (Вялікабрытанія) назірала за паводзінамі дванаццаці птушак калібры, што жывуць у канадзкіх Скалістых гарах. Птушкі харчуюцца нэктарам з кветак у сваёй даліне й мусяць рабіць гэта амаль безь перапынку з прычыны хуткага абмену рэчываў. Звычайна яны прылятаюць у адно й тое ж месца.
Дасьледчыкі зрабілі клюмбу з штучных кветак, якія ўтрымлівалі цукровую рошчыну рознай канцэнтрацыі, і пасадзілі туды спэцыяльную «спакушальную» кветку, якая прыцягвала калібры. У звычайных абставінах птушкі б скіраваліся туды, дзе больш нэктару, але яны пачалі піць з усіх кветак вакол «спакусьніцы», незалежна ад колькасьці цукровага раствору ў іх.
Гэты досьвед можа выкарыстоўвацца дзеля захаваньня й абароны пэўных відаў расьлінаў. Калібры адыгрываюць важную ролю ў апыленьні, таму прымяненьне адмысловых «спакусьлівых» відаў можа падвысіць прыцягальнасьць патрэбных кветак і дапамагчы іх захаваць.
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць50
Каментары