31 студзеня (суб.) у жывым этэры Першага нацыянальнага тэлеканалу беларусы ўпершыню ў гісторыі будуць абіраць свайго прадстаўніка на конкурс «Эўрабачаньне».
Цягам паўгадзіны пасьля трансьляцыі канцэрту кожны зможа патэлефанаваць у студыю й аддаць свой голас на карысьць упадабанага выканаўцы.
Вакол гэтае падзеі спрабуюць узьняць сапраўдны ажыятаж: зь сьпісу прэтэндэнтаў з шумам выключаюць адных выканаўцаў, уключаюць іншых, абвяшчаюць пра надзвычайную жорсткасьць адбору, паказваюць знэрваваных удзельнікаў ды споўненых адказнасьці перад радзімай гледачоў. Сярод 15 удзельнікаў фінальнага туру — дуэт «Аляксандра й Канстанцін», Ірына Дарафеева, Аляксандар Саладуха, апранутыя пад «Віягру» дзяўчаты й інш. Парнаграфічная сытуацыя: на першым нацыянальным адборы Эўрабачаньня не аказалася ніводнай беларускамоўнай песьні. Быў «Юр’я», і тых зьнялі «з працэдурных меркаваньняў». За што змагаюцца пеюны?
Аглядальнік беларускамоўнага музычнага сайту music.fromby.net лічыць найбольш вартым кандыдатам дуэт «Аляксандра й Канстанцін». Шырокі дыяпазон голасу Аляксандры, натуральная ангельская, а не ніжагародзкая мова, запамінальная мэлёдыя і выкарыстаньне традыцыйнага беларускага гарлавога сьпеву, на ягоную думку, даюць ім найлепшыя шанцы на перамогу ў фінале ў Турцыі.
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары