Вайра Віке-Фрэйбэрга ня носіцца па хакейнай пляцоўцы з клюшкай, а гуляюць латышы ня горш за беларусаў.
Айчынныя заўзятары хакею могуць спаць спакойна да кваліфікацыі ванкувэрскай алімпіяды-2010. Блакітная мара-фікс ня зьдзейсьнілася: на Турынскую алімпіяду ад нашай групы едзе зборная Латвіі.
У матчы з Латвіяй беларусам было дастаткова згуляць унічыю. Больш за тое, за пяць хвілін да заканчэньня сустрэчы нашыя вялі — 4:2, але потым умудрыліся «стаць» і прапусьціць запар тры шайбы. Вынік — 4:5.
Галоўны трэнэр зборнай Беларусі Міхаіл Захараў на пасьляматчавай прэс-канфэрэнцыі назваў галоўных «творцаў» паразы: судзьдзі («судзейства было па-за межамі ўсякіх нормаў этыкі») і варатар новакузьнецкага «Мэталюргу» Сяргей Шабанаў. «Наш галкіпэр прапусьціў усё, што мог. Калі і адбіваў шайбу, то проста перад сабой, каб праціўнікі маглі дабіць у вароты. І гэты галкіпэр гуляе ў расейскай супэрлізе, якая цяпер лічыцца найлепшай у сьвеце».
От парадокс. Дзяржава касьцьмі кладзецца, каб разьвіваць народную гульню хакей, будуе лядовыя пляцоўкі ўжо ў райцэнтрах, а нашы брамнікі гуляюць у нейкіх расейскіх лігах!
Гальчанюк і Шумідуб ужо не гуляюць, 36-гадовы Леанід Фацікаў таксама, відаць, завершыць выступленьні. Мезін і Шабанаў маюць па трыццаць аднаму году, першы якраз і абараняў вароты беларускай зборнай у мінулай рыскай кваліфікацыі ў 1995 г. І перад гэтым турнірам выявілася, што замяніць Мезіна і Шабанава няма кім. 19-гадовы Гарачэўскіх зь менскага «Юнацтва» для топ-турніраў яшчэ «зялёны».
У Латвіі з галкіпэрамі па-іншаму. Завяршыў кар’еру легендарны брамнік Артур Ірбэ — прыйшоў на яго месца вэтэран Сяргей Навумаў. Ён у сваю чаргу схібіў у нядзельным матчы — яго годна замяніў у варотах 25-гадовы легіянэр чэскае «Дуклы» Эдгарс Масальскіс.
Поўны варыянт чытайце ў папяровай і pdf-вэрсіі газэты "Наша Ніва"
Алег Раявец
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?12
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары