фотаблог Юліі Дарашкевіч3333

Жорсткі і хуткі разгон акцыі на Кастрычніцкай

На кожнага журналіста было па адным-два міліцыянты ў штацкім, якія рукамі закрывалі аб'ектывы.

На Кастрычніцкай плошчы Мінска а 18-й прайшла традыцыйная акцыя салідарнасці з палітвязнямі. Яна трывала дзве хвіліны і была жорстка разагнаная. З 40 удзельнікаў акцыі 22 патрапілі ў РУУС.

Журналістам, як і ў мінулыя два разы, не давалі здымаць. На кожнага журналіста было па адным-два міліцыянты ў штацкім, якія рукамі закрывалі аб'ектывы. Аляксея Мацюшкова (фота) завялі за аўтобус і там трымалі да канца акцыі.

21.10

З РУУС выйшаў апошні чалавек — Міхась Пашкевіч.

20.45

Выйшаў Анатоль Лябедзька і пачалі адпускаць па адным астатніх затрыманых.

Анатоль Лябедзька: «Калі забралі з Плошчы і зацягнулі ў транспарт, адзін схапіў за горла, адзін трымаў за рукі, а трэці біў. Збівалі, калі зацягвалі ў аўтобус і ў аўтобусе. У мяне палец на руцэ не рухаецца і падпух. Аднак не зламаны, здаецца.

Намеснік кіраўніка РУУС Савецкага раёна Грышчанка — непрыемная асоба. Пакуль ён не прыйшоў, міліцыянты вялі сябе больш-менш прыстойна. А гэты зусім жорстка паводзіў сябе, паставіў усіх тварам да сцяны, я паспрабаваў заступіцца за моладзь, таму мяне закінулі да бамжоў».

Падчас затрымання пратаколаў у міліцыі не складалі. Усе зазначаюць, што на Плошчы жорстка ўсіх запіхвалі ў аўтобусы. Аднак мэтанакіравана збівалі толькі Анатоля Лябедзьку. З астатнімі ў аўтобусе абыходзіліся карэктна.

18.55

Адпусцілі з РУУС Савецкага раёна першага чалавека, непаўналетняга хлопчыка, па якога прыехала маці.

18:10

На плошчы пуста. Акцыя скончана.

Засталіся журналісты і тыя, хто унікнуў затрымання. Ходзяць жанчыны-прыбіральшчыцы.

Спецназ сышоў, разыходзяцца і асобы ў цывільным.

18:06

Усіх жорстка затрымліваюць, збіваюць, закідваюць усіх у аўтобус. Адзін аўтобус ад'ехаў, пад'ехаў другі аўтобус.

Затрымалі ўсяго 40 чалавек.

Сярод затрыманых — старшыня Аб'яднанай грамадзянскай партыі Анатоль Лябедзька, лідэр Маладых дэмакратаў Міхась Пашкевіч, маладафронтаўцы Наста Палажанка, Мікола Дземідзенка (ён быў затрыманы прэвентыўна), кіраўнік Моладзі БНФ Андрэй Крэчка.

* * *

18:03

Людзі становяцца ў шэраг, асобы ў цывільным пачынаюць адціскаць журналістаў, не даюць здымаць, адводзяць іх па адным, а таксама акружаюць тых, хто стаў у ланцуг.

* * *

Цяпер на Плошчы знаходзіцца каля 20 чалавек, ёсць таксама міліцыянеры і «асобы ў цывільным». З іх большасць знаходзіцца ў пераходзе метро, на выхадзе да гандлёвых радоў «Купалаўскі».

* * *

Ужо чацвёрты год кожны месяц 16‑га дня праходзіць акцыя ў падтрымку палітвязняў і сем’яў зніклых. У розных гарадах Беларусі і замежжа людзі выходзяць на вуліцы са сцягамі і партрэтамі, каб прызваць беларускія ўлады да спынення рэпрэсій і да палітычных зменаў у краіне.

16 кастрычніка акцыя «Салідарнасці» мае на мэце нагадаць грамадству, што ў Беларусі ўсё яшчэ ёсць вязні сумлення:

гэта ваўкавыскія прадпрымальнікі Мікалай Аўтуховіч і Юры Лявонаў, а таксама актывіст «Маладога Фронту» Арцём Дубскі.

Таксама ў Беларусі па‑ранейшаму не расследуюцца справы аб знікненні ў 1999‑2000 гадах апазіцыйных лідэраў Віктара Ганчара, Юрыя Захаранкі, Анатоля Красоўскага і журналіста Дзмітрыя Завадскага. У выкраданні гэтых людзей міжнародная супольнасць падазрае высокапастаўленых беларускіх чыноўнікаў.

Каментары33

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме

Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме

Усе навіны →
Усе навіны

Стыхія нарабіла бяды ў Калодзішчах

ДТЗ у Талачынскім раёне: пацярпелі 4 чалавекі, адзін — загінуў

У МТС расказалі, дзе ў Беларусі жывуць жаўранкі, а дзе — совы2

З-за навальніцы на поўначы Мінска на 25 секунд адключалася электрычнасць

Сям’я беларусаў аказалася ў двух розных асяродках эміграцыі. Муж не можа трапіць да жонкі ў Грузію, а яна — атрымаць візу да яго ў Польшчу10

Беларусы здымаюць у Польшчы серыял пра свінгераў19

Алімпійская чэмпіёнка па біятлоне прапала ў гарах Пакістана1

Магутны землятрус каля берагоў Камчаткі прывёў да цунамі, у Японіі і на Гаваях абвешчана эвакуацыя

Якія машыны беларусы дагэтуль актыўна вязуць з ЗША7

больш чытаных навін
больш лайканых навін

Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме

Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме

Галоўнае
Усе навіны →

Заўвага:

 

 

 

 

Закрыць Паведаміць