У Лондане прайшла 27‑я сесія Рады Беларускай Народнай Рэспублікі. Удзельнікі сесіі ўшанавалі хвілінай маўчання памяць ахвяраў авіяцыйнай катастрофы пад Смаленскам, сярод якіх былі прэзідэнт Польшчы Лех Качынскі з жонкай і Рышард Качароўскі, апошні прэзідэнт Польшчы ў выгнанні.
У Лондане прайшла 27‑я сесія Рады Беларускай Народнай Рэспублікі.
Удзельнікі сесіі ўшанавалі хвілінай маўчання памяць ахвяраў авіяцыйнай катастрофы пад Смаленскам, сярод якіх былі прэзідэнт Польшчы Лех Качынскі з жонкай і Рышард Качароўскі, апошні прэзідэнт Польшчы ў выгнанні.
Былі заслуханыя справаздачы кіраўніцтва Рады і сектараў. Асаблівая ўвага была нададзеная падтрымцы адукацыйнай і культурніцкай дзейнасці ў Беларусі, спрыянню росту нацыянальнай сьвядомасьці. Удзельнікі сесіі разгледзелі план дзеянняў на бліжэйшы час і перспектывы супрацоўніцтва з палітыкамі ЗША, Канады і еўрапейскіх краінаў, а таксама з міжнароднымі арганізацыямі.
Сесія Рады БНР прыняла рэзалюцыю супраць будаўніцтва АЭС на тэрыторыі Беларусі.
У адпаведнасці са Статутам Рады, адбыліся выбары кіраўніцтва.
Старшынёй Рады Беларускай Народнай Рэспублікі пераабраная Івонка Сурвіла,
піша Радыё Свабода.
Івонка Сурвіла была абраная старшынёй Рады БНР у 1997 г.
Да яе старшынямі Рады БНР на эміграцыі былі: Пётра Крэчаўскі (1919—1928), Васіль Захарка (1928—1943), Мікола Абрамчык (1947—1970), Вінцэнт Жук‑Грышкевіч (1971—1982), Язэп Сажыч (1982—1997).
Каментары